Thukhente 10:10 - Tedim Bible

¹⁰ Tua ciangin Israel mite Topa tungah kiko uh a, “Nang tungah ka khial khin uh hi; bang hang hiam cih leh kote in ka Pasian uh nusia-in Baalte’ na ka sem uh hi,” a ci uh hi.

Tedim Bible Revision 2017

¹⁰ Tua ciangin Topa tungah Israel-te kiko uh a, “Nang tungah kong khial khin uh hi; bang hang hiam cih leh kote in ka Pasian uh nusia-in Baal-te ka bia uh hi,” a ci uh hi.

Thukhente 10:10 Referans Kwoze

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baalte leh Ashtaroth’ na ka sem uh hi; ahih hangin tu-in ka galte uh khut sung panin kote hong honkhia in, nangma’ na kong sem ding uh hi,’ a ci uh hi.

Late 107:28

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi.

Late 107:19

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi;

Late 107:13

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi;

Thukhente 3:9

Ahih hangin Israel mite Topa tungah kiko uh a, Topa in Kaleb’ naupa Kenaz’ tapa Othniel, amaute a honkhiapa ahi honpa khat Israel mite adingin khangsak hi.

Thukhente 10:9

Ammon mite in Judah leh Benjamin leh Efraim minamte zong a do dingin Jordan galkah uh hi; tua ahih ciangin Israelte nakpi takin lungkham uh hi.

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa mai-ah sungkhia uh a, tua ni-in an tangin tua lai munah, “Topa tungah i khial khin zo hi,” a ci uh hi. Samuel in Israel mite Mizpah-ah thukhen hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.

Thukhente 4:3

Tua ciangin Israel mite huhna ngen dingin, Topa tungah kiko uh hi; bang hang hiam cih leh amah in sik leeng zakua nei a, Israel mite kum sawmnih sung nakpi takin nengniam hi.

Thukhente 6:6

Midiante hangin Israelte kiniam koih mahmah hi; Israel mite in Topa tungah huhna ngenin kiko uh hi.