Thukhente 1:7 - Tedim Bible

⁷ Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

Tedim Bible Revision 2017

⁷ Tua ciangin Adonibezek in, “A khutpi le a khepi a ki-attan kumpi sawm sagihte in ka sabuai nuai ah an nengkia tawm ngei uh hi. Ka gamtatna sa bangin Pasian in kei hong thuk hi,” a ci hi. Tua ciangin amaute in Jerusalem ah amah paipih uh a, tua munah amah a si hi.

Thukhente 1:7 Referans Kwoze

1 SAMUEL MASA 15:33

Tua ciangin Samuel in, “Na namsau in numeite ta bei-in a bawl mah bangin na nu zong numeite lakah ta bei hi ding hi,” a ci hi. Tua ciangin Samuel in Topa mai Gilgal-ah Agag semnen hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

ROM (Romans) 2:15

Bang hang hiam na cih uh leh, amau kitheihna lungsim un teci pangin, amau kingaihsutnate in khat leh khat kikumin, kimawhsakin ahi zongin, kimaisakin ahi zongin, amaute lungsim sungah Thukham deihna tawh kituak ciamtehna a om cih a kilangsak hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Paikhiatna 29:20

nangmah in tuutal go-in, a si tawmkhat la-in Aaron’ taklam bil dawn leh ama' tapate’ taklam bil dawnte leh amau' taklam khutpi dawnte leh amau’ taklam khepi dawnte nuhin, a om lai si teng biakna tau kimah na theh ding hi.

Thukhente 1:6

Adonibezek tai hi; ahih hangin amaute in delhin man uh a, a khutpite leh a khepite attan uh hi.

Thukhente 9:24

tua in, Jerubbaal tapa sawmsagihte a kithahna thu tawh kisai-in, amaute a that a sanggampa uh Abimelek, leh a sanggamte thah nadingin a hanthawn Shekhem mite tungah thukkikna hong tun’ theih nadingin a kibawl mahmah ahi hi.

Thukhente 9:57

Pasian in Shekhem mite khempeuh’ gitlohna amau’ lu tungah tusak kik hi; tua bangin Jerubbaal’ tapa Jotham’ samsiatnate amau tungah a tung hi.

1 KUMPI MASATE 21:19

Nangmah in ama kiangah, ‘Topa in hih bangin ci hi; “That khinin, zong luah khin na hi hiam?” ci hi,’ na ci ding hi. Tua ciangin ama kiangah, ‘Topa in hih bangin ci hi: “Uite in Naboth’ sisan a liahna munah uite in nangma sisan liak ding uh hi,” ci hi,’ ci-in gen in,” a ci hi.

Zefaniah 3:19

En un, tua hun ciangin no hong bawlsiate, daan ka pia ding a, a khebaite honkhia-in, a kipaikhiatpih mite ka ciahpih ding hi. Amau’ maizumna, minthan’na ka suaksak ding a, mi khempeuh in amaute phat ding uh hi.