Thukhente 1:4 - Tedim Bible

⁴ Tua ciangin Judah paito a, Topa in amaute khut sungah Kanaan mite leh Perez mite pia hi; amaute in Bezek-ah tua mite tulsawm zo uh hi.

Tedim Bible Revision 2017

⁴ Tua ciangin Judah minamte kuan to uh a, Topa in amauteʼ khut sungah Kanaan mite le Perez mite a pia hi. Amaute in Bezek ah tua mite tul sawm bang a zo uh hi.

Thukhente 1:4 Referans Kwoze

1 SAMUEL MASA 11:8

Amah in Bezek-ah amaute a kaihkhop ciangin Israel mite tul zathum pha a, Judah mite tul sawmthum pha hi.

1 KUMPI MASATE 22:15

Kumpipa kiangah amah a tun’ ciangin kumpipa in ama kiangah, “Mikaiah aw, Ramoth-gilead ah galsim dingin i kuan ding hiam, ahih kei leh i thuak ding hiam?” a ci hi. Tua ciangin amah in dawngin, “Kuanto in la, va gualzo in; Topa in kumpipa’ khut sungah hong pia ding hi,” a ci hi.

1 KUMPI MASATE 22:6

Tua ciangin Israel kumpipa kamsangte mihing zali bang khawmin amaute tungah, “Ramoth-gilead a sim dingin ka kuan ding hiam, ahih kei leh ka thuak ding hiam?” a ci hi. Amaute in, “Kuanto in; bang hang hiam cih leh Topa i kumpipa’ khut sungah hong pia ding hi,” a ci uh hi.

1 SAMUEL MASA 14:10

Ahih hangin amaute in, ‘Ko kiangah hong paito un,’ hong cih uh leh eite i paito ding hi; bang hang hiam cih leh Topa in eite khut sungah amaute hong pia khin hi. Hih in eite adingin lim hong hi ding hi,” a ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.

Thu-hilhkikna 9:3

Tua ahih ciangin, a kangtum thei mei bangin note mai-ah a paipa in Topa na Pasian uh ahihna tu ni-in thei un; amah in note mai-ah amaute susia-in, amaute zo ding hi; tua ahih ciangin Topa in note tungah hong ciamsa bangin amaute hawlkhia-in manlangin na siamang sak ding uh hi.

Thu-hilhkikna 7:2

Topa na Pasian un note tungah amaute hong pia-in, note in amaute na zawh uh ciangin, note in amaute na susia mang ding uh hi; amaute tawh thuciamna na bawl kei ding uh a, amaute tungah hehpihna na lak kei ding uh hi.

Thukhente 1:3

Tua ciangin Judah in a sanggampa Simeon kiangah, “Kanaan mite i do theih nadingin kei tungah hong kipia gamah kei hong zui in; tua mah bangin nang hong kipia gamah keimah in zong kong zui ding hi,” a ci hi. Tua ahih ciangin Simeon in amah zui hi.

Thukhente 1:5

Amaute in Bezek-ah Adonibezek tuakin amah tawh kido uh a, Kanaan mite leh Perez mite zo uh hi.

Late 44:2

Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Late 78:55

Amah in, minamte, amau’ mai panin hawlkhia-in; amau’ luah ding neihsa hawmsak a, Israel minamte amau buk sungah teeng sak hi.

Thukhente 3:5

Tua ahih ciangin Kanaan mite, Hit mite, Amor mite, Perez mite, Hiv mite, leh Jebus mite lakah Israel mite teeng uh hi;

Thukhente 11:32

Tua ahih ciangin amaute do dingin Ammon mite kiangah Jefthah gal kah hi; Topa in amaute ama khut sungah pia hi.