Thukhente 1:2 - Tedim Bible

² Topa in “Judah paito ding hi; en un, ama khut sungah tua leitang ka pia zo hi,” a ci hi.

Tedim Bible Revision 2017

² Topa in, “Judah minamte kuan to masa ding uh hi. En un, amauʼ khut sungah tua leitang ka pia zo hi,” a ci hi.

Thukhente 1:2 Referans Kwoze

Mangmuhna 5:5

Tua lai takin upa khat in, “Kap kei in. En in, David’ Zung, Judah pawl pan Humpinelkai in tua laibu leh ciamtehnate a hong thei dingin a zo zo hi,” hong ci hi.

Hebru 7:14

Bang hang hiam na cih uh leh, eite Topa in Judah pawl sung pan hong piang hi ci-in a kilang hi. Tua pawl thu-ah siampite thu Moses in kam khat beek a gen kei hi.

Gamlak-vakna 7:12

A ni masa ni-a biakna a piapa in Judah minam, Amminadab’ tapa Nahshon ahi hi;

Gamlak-vakna 2:3

Nisuahna lam pangah phual a sat dingte in Judah’ giahphual dialkhai a neite hi ding hi, Judah mite makaipa in Amminadab’ tapa Nahshon ahi hi,

Thukhente 1:3

Tua ciangin Judah in a sanggampa Simeon kiangah, “Kanaan mite i do theih nadingin kei tungah hong kipia gamah kei hong zui in; tua mah bangin nang hong kipia gamah keimah in zong kong zui ding hi,” a ci hi. Tua ahih ciangin Simeon in amah zui hi.

Joshua 2:24

Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Thukhente 20:18

Israel mite ding-in Bethel-ah paito uh a, “Benjamin mite a do dingin kua pai masa ding ka hi uh hiam?” ci-in Pasian dong uh hi. Topa in, “Judah paito masa ding hi,” a ci hi.

Thukhente 20:28

Aaron’ tapa Eleazar’ tapa Finehas in tua mai-ah tua hunin na sem hi), “Ka sanggamte uh Benjamin mite a do dingin pai kik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Paito un; bang hang hiam cih leh zing ciangin amaute na khut sung uh ah kong pia ding hi,” a ci hi.