Thukhente 1:16 - Tedim Bible

¹⁶ Tua ciangin Moses’ sungpate nam ahi Ken’ suan-le-khakte, Judah mite tawh nisuh khuapi panin Negeb gam Arab gei-a om Judah gam lakah paito uh hi; amaute tua lai mun-ah tungin tua mite tawh teeng khawm uh hi.

Tedim Bible Revision 2017

¹⁶ Tua ciangin Mosesʼ sungpate nam ahi Kenʼ suanlekhakte, Judah mite tawh nisuh khuapi panin Negeb gam Arad gei-a om Judah gamah pai to uh a, tua lai munah tungin tua mite tawh a teeng khawm uh hi.

Thukhente 1:16 Referans Kwoze

Thukhente 4:11

Tu-in Moses’ sungpa Hohab’ suan-le-khak Ken mite sung panin Ken mi Heber paikhia a, Kedesh kiang, Zafananim-a tawsaw ciang pekah a puanbuk lam hi.

1 SAMUEL MASA 15:6

Tua ciangin Saul in Ken mite kiangah, “Pai un, kihemkhia un, Amalekte lak panin paikhia suk un, tua hi kei leh note amaute tawh kong susia khawm kha ding hi; bang hang hiam cih leh Izipt panin amaute hong paikhiat lai-in Israel mite khempeuh tungah migitna na lak uh hi,” a ci hi. Tua ahih ciangin Amalekte lak panin Kente kihemkhia uh hi.

Thu-hilhkikna 34:3

Negeb gam, leh Zanglei zong, tua pen nisuh kung khuapi Jerikho kuam ahi, Zoar ciang dong, amah lak hi.

Gamlak-vakna 21:1

Kanaan mi ahi Negeb gama teeng Arad gam kumpipa in Atharim lam tawnin Israel hong paina thu a zak ciangin, amah in Israel doin, amaute kimkhat sal-in man hi.

Thukhente 3:13

Eglon in Ammon mite leh Amalek mite ama kiangah khawm a, va kuan-in Israelte va zo hi; amaute in nisuh khuapi luah uh hi.

Thukhente 4:17

Ahih hangin Sisera, Ken mi Heber’ zi Jael’ puanbuk-ah a khe-in tai hi; bang hang hiam cih leh Hazor kumpipa Jabin leh Ken mi Heber’ innkuante kilem uh hi.

Jeremiah 35:2

“Rekhab behte kiangah pai in la, amau tawh na kiho khit ciangin Topa’ biakinn ah hong paipih in la, inndei khat sungah tumpih-in, tua ciangin a dawn dingin lenggahzu pia in,” ci-in a sawl hi.

2 KHANG TANGTHU NIHNATE 28:16

Tua hun lai takin Kumpi Ahaz in Assiria kumpipa kiangah huhna ngen dingin sawl hi.

1 KHANG TANGTHU MASATE 2:15

a gukna Ozem, a sagihna David’ pa ahi hi;

Joshua 12:14

Hormah kumpi, khat; Arad kumpi, khat;

Paikhiatna 18:27

Tua ciangin Moses in a sungpa ciah khiasak a, Jethro zong ama' gamah a ciah hi.

Paikhiatna 18:12

Moses’ sungpa Jethro in Pasian' tungah meihal biakna leh biak piakna bawl hi; Pasian’ mai-ah Moses’ sungpa tawh an a ne dingin Israel upate khempeuh tawh Aaron hong pai hi.

Paikhiatna 18:7

a sungpa dawn dingin Moses paikhia a, zahtakna pia-in amah nam hi; amaute khat leh khat omzia kidong tuak uh a, puanbuk sungah pai uh hi.

Paikhiatna 18:1

Moses’ sungpa, Midian siampi Jethro in Moses leh ama' mi Israelte’ adingin Pasian’ bawlsa khempeuh, Topa in Izipt panin Israel mite a paikhiatpihna thu za hi.

Paikhiatna 4:18

A sungpa Jethro' kiangah Moses pai-in ama' kiangah, “Hong thum ing, Izipt-ah ka sanggamte' kiangah kei hong ciahkik sakin amaute a nungta lai uh hiam hong musak in,” ci hi. Jethro in Moses' kiangah, “Nuam takin pai in,” ci hi.

Paikhiatna 3:1

Tu-in Moses in Midian siampi ahi, a sungpa Jethro’ tuuhon kem hi; amah in a tuuhon gamlak nisuahna lamah paipih a, Pasian’ mual ahi Horeb tung hi.

Mattiu 3:1

Tua lai takin Baptaiz-pa Johan hong kilang a, “Vantung Gam a hong nai zo hi.

Thukhente 1:15

Amah in “Letsong khat hong pia in; Negeb gamah hong koih na hih ciangin tuikhukte zong hong pia in,” a ci hi. Tua ciangin Kaleb in ama tungah tuikhuk tungnungte leh tuikhuk nuainungte a pia hi.

1 SAMUEL MASA 27:10

Akhish in, “Tu ni-in kua va sim na hi hiam?” ci-in a dot ciangin, David in, “Judah mite’ Negeb gam,” ahih kei leh, “Jerahme-el mite’ Negeb gam,” ahih kei leh, “Ken mite’ Negeb gam,” a ci hi.

1 SAMUEL MASA 30:29

Karmel, Jerahmeel khuapite, Ken khuapite,

Thu-hilhkikna 34:4

Tua ciangin Topa in ama kiangah, “Hih gam in, Abraham, Isaak, leh Jakob tungah kiciamin, ‘Na suan leh khakte uh tungah ka pia ding hi,’ ka cih leitang ahi hi. Na mit tawh nang kong musak khin a, ahih hangin tua lai-ah nang na pai kei ding hi,” a ci hi.

Joshua 18:21

Tu-in amau’ beh tawh kizui-in Benjamin minamte’ khuapite in Jerikho, Bethhogal, Emekkeziz,

1 KHANG TANGTHU MASATE 2:55

Jabez-ah a teeng laithei minamte in: Tirath mite, Shimeath mite, leh Sukath mite ahi uh hi. Hihte in Rekhab minamte tawh a kiteeng Ken mite ahi uh hi.