Thukhente 1:10 - Tedim Bible

¹⁰ Tua ciangin Hebron (Hebron min pen a ni dangin Kiriath-arba) ah a teeng Kanaan mite do dingin Judah mite paisuk hi; amaute in Sheshai leh Ahiman leh Talmai zo uh hi.

Tedim Bible Revision 2017

¹⁰ Tua ciangin Hebron (Hebron pen a nidangin Kiriath-arba) ah a teeng Kanaan mite a sim dingin Judah mite kuan suk uh a, amaute in Sheshai le Ahiman le Talmai a zo uh hi.

Thukhente 1:10 Referans Kwoze

Joshua 14:15

Hih Hebron min in a ni dangin Kiriath-arba ahi hi; Arba in Anak mite lakah mi lian pen khat ahi hi. Tua ciangin tua gam in galdona panin tawlnga hi.

Gamlak-vakna 13:22

Amaute Negeb lamah paito uh a, Hebron tung uh hi; Anak’ suan leh khakte ahi Ahiman mite, Sheshai mite leh Talmai mite, tua lai-ah na om uh hi. (Hebron pen Izipt gamah Zoan a kisat ma kum sagih lai-in kisat hi).

Jeremiah 9:23

Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Thukhente 1:20

Tua ciangin Moses in a gensa bangin Kaleb tungah Hebron kipia hi; tua sung panin amah in Anak tapa thumte hawlkhia hi.

Gamlak-vakna 13:33

Tua lai-ah Nefilim mite (Nefilim pana hong piang Anak mite) ka mu uh hi; kote pen kauphe bang lelin ka kingaihsun uh a, amau’ muhna ah zong tua bangmah ka hi uh hi,” a ci uh hi.

Piancilna 23:2

Kanaan mite’ gamsung Kiriatharba (Hebron) ah Sarah si hi. Abraham dahin kap a, a vui nading vaihawm hi.

Piancilna 37:14

Tua ahih ciangin amah in a kiangah, “Tu-in va pai in la, na sanggamte leh tuuhonte a cidam hiam va thei in; kei' kiangah thu hong zasak kik in,” ci hi. Tua ahih ciangin amah in Hebron kuam panin amah sawl a, Shekhem-ah amah tung hi.

Joshua 10:36

Tua ciangin Joshua, Israelte khempeuh tawh Eglon panin Hebron-ah paito hi; amaute in tua khua simin,

Thukhente 1:9

Tua khit ciangin Judah mite, mualtung gam, Negeb gam, leh lei niamna-a teeng Kanaan mite a do dingin paisuk uh hi.