Thukhente 1:1 - Tedim Bible

¹ Joshua a sih khit ciangin Israel mite in Topa tungah thu dong uh a, “Kote adingin Kanaan mite a do dingin kua paito masa ding ahi hiam?” a ci uh hi.

Tedim Bible Revision 2017

¹ Joshua a sih khit ciangin Israel mite in Topa tungah thu dong uh a, “Kanaan mite a sim dingin kua kuan to masa ding ka hi uh hiam?” a ci uh hi.

Thukhente 1:1 Referans Kwoze

Thukhente 20:18

Israel mite ding-in Bethel-ah paito uh a, “Benjamin mite a do dingin kua pai masa ding ka hi uh hiam?” ci-in Pasian dong uh hi. Topa in, “Judah paito masa ding hi,” a ci hi.

Gamlak-vakna 27:21

Siampi Eleazar’ mai-ah amah ding ding a, amah in Topa mai-ah Urim thukhenna tawh thu dotsak ding hi; amah leh amah tawh a om Israel mi khempeuh, mihon buppi, ama thu tawh pusuak ding uh a, ama thu mah tawh sungtum ding uh hi,” a ci hi.

Thukhente 20:28

Aaron’ tapa Eleazar’ tapa Finehas in tua mai-ah tua hunin na sem hi), “Ka sanggamte uh Benjamin mite a do dingin pai kik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Paito un; bang hang hiam cih leh zing ciangin amaute na khut sung uh ah kong pia ding hi,” a ci hi.

Thukhente 1:27

Manasseh in Bethshean leh a khua neute-a teeng mite, Ta-anak leh a khua neute-a teeng mite, Dor leh a khua neute-a teeng mite, Ibleam leh a khua neute-a teeng mite ahi a, Megiddo leh a khua neute-a teeng mite ahi zongin hawlkhia lo hi; ahih hangin Kanaan mite tua leitangah teeng teitei uh hi.

Paikhiatna 28:30

Thukhenna awmdal sungah Urim leh Thummim na koih ding a, Topa’ mai-ah a pai ciangin Aaron’ lungtang tungah tuate om ding hi; tua bangin Aaron in ama' lungtang tungah Israel mite’ thukhenna Topa’ mai-ah pua tawntung ding hi.

Thukhente 2:21

Joshua a sih lai-in a nusiat minamte khat zong tu-a kipanin amaute mai-ah ka hawlkhia kei ding hi,

Paikhiatna 18:15

Moses in a sungpa' kiangah, “Bang hang hiam cih leh Pasian’ deihna kan dingin kei' kiangah mite hong pai hi;

Thukhente 2:8

Tua ciangin Topa’ nasem ahi, Nun’ tapa Joshua, a khan’ kum za leh kum sawmkhat a phak lai takin si hi.

Thukhente 2:9

Amaute in Ga-ash Mual leilu lam, Efraim mualtung gam sung, Timnathheres-a ama luahna huan sungah vui uh hi.

Thukhente 20:23

Tua ciangin Israel mite paito-in nitak dong Topa mai-ah kap uh hi; amaute in Topa kiangah thu dongin, “Ka sanggamte uh Benjamin mite do dingin gal phualah ka naih kik ding uh hiam?” a ci uh hi. Topa in, “Amaute do dingin paito un,” a ci hi.

Thukhente 20:27

Israel mite in Topa thu dong uh a, (bang hang hiam cih leh tua hunin Pasian' thuciamna singkuang tua lai-ah om a,

1 SAMUEL MASA 10:22

Tua ahih ciangin amaute in Topa kiangah dong kik uh a, “Tua mipa hih lai-ah hong pai hiam?” ci uh a, Topa in, “En un, amahmah van kawmlakah bu hi,” a ci hi.

1 KUMPI MASATE 22:5

Tua ciangin Jehoshafat in Israel kumpipa kiangah, “Topa thu dong masa in,” a ci hi.