Solomon la 4:6 - Tedim Bible

⁶ Zingsang huih vot a nun’ mateng zingsang khuavak hong tun’ mateng, mirrah paknamtui mual tungah om suakin, saledi paknamtui lakah ka bual ding hi.

Tedim Bible Revision 2017

⁶ Zingsang huih vot a nun mateng, zingsang khuavak hong tun mateng, myrrh paknamtui a omna mual tungah omsuakin, saledi paknamtui lakah ka bual ding hi.

Solomon la 4:6 Referans Kwoze

Solomon la 2:17

nitak huih vot mateng, nitak nitum mateng a cing hi. Sanang bangin, mual tunga sakhitalno bangin, it luat aw, hong paikik in.

Solomon la 4:14

Nard sing leh saffron sing, thalsing leh kinnamon kung, a namtui a gah namkim kung po a, mirrah leh aloses, a namkim om hi.

Luka 1:78

Khuamial leh sihna lim sungah a tu mite tungah, khuavak hong tan’ nading ahi zongin, Nopna lampi ah eite hong kha ding ahi zongin,

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

1 JOHAN MASA 2:8

Khat vei thupiakna thak note kiangah kong gelh hi. Tua thupiakna in tua Topa sungah ahi zongin, note sungah ahi zongin thuman thutak ahi hi. Bang hang hiam na cih uh leh, khuamialna mangthang zo a, a maan khuavak a tan’ laitak ahi hi.

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Late 66:15

Ganhing thaute tawh meihal biaknate, tuutal-a biakna khute tawh biakna kong pia ding hi; bawngtalte leh keelte tawh nangmah biak piaknate ka bawl ding hi.

Paikhiatna 37:29

Amah in paknamtui bawlte’ gawm bangin a siangtho nilh sathau leh a siangtho a namtui paknamtui zong bawl hi.

Paikhiatna 30:8

Aaron in nitakin zong meivakte a koih ciangin tuate hal ding a, na khang tawntungun Topa’ mai-ah a namtui hi tawntung ding hi.

Paikhiatna 20:24

Note in keima' adingin lei tawh kibawl biakna tau khat na bawl ding uh a, tua tungah na meihal biaknate uh leh thunuam-a na biaknate uh, na tuute leh na bawngtalte uh pia un; keima' min a kiphawk nading mun-a ka bawlna peuhmah-ah note' kiangah keimah hong pai-in note thupha kong pia ding hi.

Solomon la 3:6

Mirrah paknamtui leh saledi paknamtui kihel tawh a kibang, sumbuk-a paknamtui om khempeuh, a kihal khin a khu tawh a kibang, gamlak a, hong khu to henhan bang ahi hiam?

Solomon la 8:14

Ka ngaihno aw, sanang bangin, paknamtui kung a pona mun, mual tunga om sakhitalno bangin, kei kiangah hong pai in.