Solomon la 4:3 - Tedim Bible

³ Na mukte in puansan tawh kibang a, na kampau, ngaihngaih nop huai hi. Na lu khuhna puan sung panin, na kho, hong san lehleh hi.

Tedim Bible Revision 2017

³ Na mukte puansan tawh kibang a, na kampau ngaihnop-huai hi. Na lu khuhna puan sung panin na kho hong san lihleh hi.

Solomon la 4:3 Referans Kwoze

Solomon la 6:7

Na lu khuhna puan sung panin, na kho hong san lihleh hi.

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Joshua 2:18

En in, hih leitangah kong pai uh ciangin kote nong khai sukna hih kongvangneu-ah hih khauhual san na khih ding hi; na inn sungah na nu leh na pa, na sanggampate leh na pa innkuanpihte khempeuh na khawm ding hi.

Hebru 9:19

Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Kolose 4:6

Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Solomon la 7:9

Na kam in, leenggahzu bangin khum zungzung hi. Nungak: Ka ngaihno tungah leenggahzu khum luang hen la, a muk a ha tawk kim hen.

Solomon la 5:13

A biangte pen paknamtui a dim-a kithun, thawlsan kiuhkeuh tawh kibang hi, A mukte pen, mirrah paknamtui tawh a kidim, unok paak tawh kibang hi.

Solomon la 4:11

Lawm aw, na muk, khuaizu bangin khum a, na leii in bawngnawi leh khuaizu ahi hi. Na puante in, Lebanon Mual tunga paknamtui namkim a nam hi.

Paunak 31:26

Amah in pilna tawh thu gen a, kam khum takin pau hiat-hiat hi.

Paunak 10:13

Thu ngaihsun theite’ kam sungah pilna om a, mihaite’ nungzang ah ciangduai kinga hi.

Late 119:13

Nangma hong piak na biakna ngeina kipte khempeuh ka gengen ding hi.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Late 37:30

Thuman mi’ kam in pilna gen a, a leii in thutang gen hi.

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

Gamlak-vakna 19:6

siampipa in taamtaak sing leh puknah leh a ausan khaute la-in bawngla a kihalna sungah tuate khul ding hi.

Gamlak-vakna 4:8

tua ciangin amaute in a ausan puan tawh tuate khuh ding uh a, savun tawh khuh thuahin, a zawlte bulh ding uh hi.

Siampi Laibu 14:6

Amah in a hing lai vasa pen taamtaak sing leh a ausan puan leh puknah tawh la khawmin, tuate leh a hing lai vasa pen tui luang tunga kithat vasa’ si sungah diah ding hi;

Siampi Laibu 14:4

a kisiangsak ding mipa’ adingin a hing vasa siang nih leh taamtaak sing leh a ausan puan leh puknah a la dingin siampipa in amaute sawl ding hi;

Piancilna 32:10

Keimah in na itna kip khempeuh lak pan a neu pen leh na nasempa' tunga nong lahsa na thumannate khempeuh tawh ka kilawm kei hi, bang hang hiam cih leh ka ciangkhut guak tawh hih Jordan ka kantan hi; tu-in pawl nih ka cing khin ta hi.

Solomon la 1:5

Jerusalem nungakte aw, ka vom hangin ngaih baang ing. Savun puanbuk bangin ka ang hiuhiau a, Solomon’ puankhaite ka bang hi.