Solomon la 3:3 - Tedim Bible

³ Khuasung cing a, pai kawikawite ka tuak a, “Ka ngaihno na mu uh hiam?” ci- in ka dong hi.

Tedim Bible Revision 2017

³ Khua sung cingin a pai kawikawite ka tuak a, “Ka ngaihno na mu uh hiam?” ci-in ka dong hi.

Solomon la 3:3 Referans Kwoze

Solomon la 5:7

Khuasung a cing mite tawh ka kituak a, kei hong satin hong liamsak a, kulhzang-a a kileh den khuacingte in ka puantungsilh hawkkhia uh hi.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Johan 20:15

Zeisu in, “Numei aw, bang hangin kap na hi hiam? Kua zong na hi hiam?” ci-in a dot leh, Mari in Zeisu pen huan cingpa a sak man-inah, “Topa aw, amah na paikhiatpih leh koi-ah na koih hiam hong gen in. Keimah in ka va la ding hi,” a ci hi.

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Solomon la 1:7

Ngaihno aw, hong gen dih in. Koi lai-ah na tuu cing ding a, sun-in koi lai-ah khawl ding na hi hiam? Bang hangin tuucing dangte lakah nang hong zong kawikawi phot ding ka hi hiam? Tangval: