Solomon la 3:2 - Tedim Bible

² Tho-in khua sung tengah ka vak a, kongzing kong kawm tengah ka pai a, ka ngaihno ka zong a, ka zon’zon’ hangin ka mu zo kei hi.

Tedim Bible Revision 2017

² Tho-in khua sung tengah ka vak a, kongzing kawm tengah ka pai kawikawi a, ka ngaihno ka zong a, ka zonzon hangin ka mu zo kei hi.

Solomon la 3:2 Referans Kwoze

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

Johan 1:6

Johan kici mi khat Pasian in hong sawl hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Solomon la 5:5

Ka ngaihno, tumsak dingin ka kithawi a, ka khutte mirrah paknamtui tawh ka zut a, ka khutmete, mirrah paknamtui tui ka nuh a, kong hong dingin a hon’na ka len hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

Solomon la 3:3

Khuasung cing a, pai kawikawite ka tuak a, “Ka ngaihno na mu uh hiam?” ci- in ka dong hi.

Solomon la 1:7

Ngaihno aw, hong gen dih in. Koi lai-ah na tuu cing ding a, sun-in koi lai-ah khawl ding na hi hiam? Bang hangin tuucing dangte lakah nang hong zong kawikawi phot ding ka hi hiam? Tangval: