Solomon la 2:3 - Tedim Bible

³ Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

Tedim Bible Revision 2017

³ Ka ngaihno tangval dang tawh teh lehang gamlak singkung lak a a om epel kung tawh kibang hi. Ama liim ah ka tu nuam a, a gahte lim ka sa hi.

Solomon la 2:3 Referans Kwoze

Solomon la 8:5

Gamlak panin a lawmpa tawh khut kilensa-in, a hong paikhia kua ahi hiam? Nungak: Nangmah na pian’na mun, na nu in nang hong neihna mun, apple kung nuai panin nang kong phong hi.

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin kha simin a gah thak gah tawntung ding uh hi. A singgahte an ding hi ding a, a tehte zatui in kizang ding hi,” hong ci hi.

Isaiah 4:6

Tua pen, sun ciangin nisa liah ding leh huihpi guahpi panin bukna leh belhna hi ding hi.

Isaiah 4:2

Tua ni ciangin Topa’ bulsel pen mel hoihin minthang ding a, leitung pan-a a piang gahte pen, a suakta Israel mite’ kiphatsakna leh minthan’na hi ding hi.

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Solomon la 4:16

Saklam huih aw, hong nungsuk in la, khanglam huih aw, hong nungto in. Ka huan sung teng hong namtui sak un. Ka ngaihno, ka huan ah hong paisak un la, a gah limcipente hong ne sak un.

Solomon la 2:5

Lungzuang, duangvul ka hih manin, leenggahkeu tawh hong vaak in la, apple gah tawh hong thadim sak in.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Late 57:1

Pasian aw, nangmah hong bel ka hih manin kei hong hehpih in, kei hong hehpih in; siatna huihpi a ven’ mateng na kha limah kong bu ding hi.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Thukhente 9:15

Thangling kung in singkungte kiangah, ‘Note tungah kumpi-in lungsim tak tawh sathau hong nilh na hih uh leh, hong pai un la ka liim-ah bu un; ahih hangin tua bang ahih kei leh, thangling kung lak panin meikuang hong pai khia hen la, Lebanon taamtak kungte kangtum hen,’ a ci hi.

Solomon la 1:16

Ngaihno ngiingeei aw, na etlawm a, na ngaihhuai hi.

Solomon la 4:13

Tua huan sungah singkungte hoih takin khang a, mangkawlsing cin’na huan tawh kibang hi. Singgah limcipente tua lai-ah gah a, henna leh nard sing namtuite a po hi.

Solomon la 7:13

Tua lai-ah zawl-ai kung namtui gim na za ding a, singgah lim namcin i kong gei-ah om hi, Ngaihno aw, a gah alui leh athak, nang adingin na duhduh kong koihsak hi.

Solomon la 8:11

Baalhamon a kici munah Solomon in leenggui lo khat a nei hi. Amah in tua lo a en dingin lo khote sawl a, lo-a piangte’ man dingin lo khote khat in ngun dangka tulkhat ciat a piak ding uh ahi hi.

Solomon la 8:12

Keimah in keima aituam leenggui lo khat ka nei hi. Solomon aw, na ngun dangka tulkhat la in la, lo khote tungah amau’ tanh ding za nih pia in.

Joel 1:12

Leengguite keu a, theikungte vuai ta hi. Mang kawlsingte, nisuhte, leh apple kungte-a kipan, singkung khempeuh keu mang khin hi. Mihingte’ lungdamna teng zong maimang ta hi.

Late 45:3

Vanglianpa aw, na minthan’na leh na liatna tawh, na namsau kuah in.