Solomon la 1:5 - Tedim Bible

⁵ Jerusalem nungakte aw, ka vom hangin ngaih baang ing. Savun puanbuk bangin ka ang hiuhiau a, Solomon’ puankhaite ka bang hi.

Tedim Bible Revision 2017

⁵ Jerusalem nungakte aw, ka vom hangin ngaihbaang ing. Savun puanbuk bangin ang hiuhiau ing a, Solomonʼ puankhaite tawh kei ka kibang hi.

Solomon la 1:5 Referans Kwoze

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Luka 15:22

Ahih hangin a pa in, ‘Puan hoih bel hong la meengmeeng un la, silhsak un. Ama khut ah zungbuhte hong butsak un.

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Solomon la 5:8

Kong thuum hi, Jerusalem nungakte aw, ka ngaihno na muh uh leh, lungzuangin ka sih dekna, na gensak un. Nungak in a Lawmpa Phat Nungak dangte:

Solomon la 2:14

Suangheng kawm-a vasa bangin nang na bubu niloh hi. A ngaih baang na mai hong musak in la, a lungzuan’ huai na awging hong zasak in.

Solomon la 2:7

Jerusalem nungakte aw, ko’ kingaihna nong suknawi loh nadingun, sakhi leh sanang tawh kei tungah hong kiciam un.

Late 120:5

Note lakah ka om khak pen, Meshek gam sunga teen’ khak sangin haksa zaw a, Kedar mite’ lak-a teen’ khak sangin siahuai zaw hi.

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Mattiu 22:11

Kumpipa in a hawhte en dingin a lut ciangin, molakna puan silh lo-a om mi khat a mu hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Ezekiel 16:14

A paubaang het lo dingin nang hong bawl ka hih manin na meel hoihna gam khempeuh ah kithang kawikawi hi, Topa Pasian in ci hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 60:7

Kedar gam tuu honte khempeuh nangma kiangah hong kipuak ding a, Nebaioth mite’ tuutalte nangma deihna ah kizang ding hi; keima biakna tau tungah piak dingin tuate hong kipaipih ding a, keimah in a minthang ka inn ka minthangsak semsem ding hi.

Solomon la 6:4

Ngaihno aw, Jerusalem khuapi bangin na etlawm a, Tirzah khuapi bangin na hoih a, vantung aksi bangin na deihhuai hi.

Solomon la 4:3

Na mukte in puansan tawh kibang a, na kampau, ngaihngaih nop huai hi. Na lu khuhna puan sung panin, na kho, hong san lehleh hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

Efesa 5:26

Tua pawlpi in siangtho-in mawhsakna om lo ahih ciangin,

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

Isaiah 53:2

Bang hang hiam cih leh amah pen kungno khat leh leikeu sunga zung khat bangin ama mai-ah khangto hi; eite’ et dingin ama’ limin deihhuaina mel nei lo a, eite’ deih dingin hoihna nei lo hi.

Solomon la 8:4

Jerusalem nungakte aw, ko’ kingaihna nong suknawi loh nadingun, kei tungah hong kiciam un. Itna in Sihna Zahin Khauh Nungak dangte:

Solomon la 3:10

A luai khuamte, ngun tawh kizut a, a tungah, kham tawh kizem puan kilam hi. A tut nading puansan kibawl a, a sungah savun kidap hi.

Solomon la 3:5

Jerusalem nungakte aw, ko’ kingaihna nong suknawi loh nadingun, sakhi leh sanang tawh kei tungah hong kiciam un.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 90:17

Kote’ Topa Pasian’ maipha, komau tungah hong om sak in la, kote’ nasepna khempeuh hong tangtung sak in, hi hi, ka nasepna khempeuh uh-ah hong mavang sak in.

Late 45:9

kumpite tanute, numei uliante lakah om a, na taklam ah Ofir gam khamte tawh kizemin kumpinu a ding hi.

Isaiah 21:16

Bang hang hiam cih leh Topa in keima tungah, “Thacial kum hunte sung mah bangin kum khat sungin Kedar mite’ minthan’na khempeuh bei ding hi;

Ezekiel 27:21

Arabia mite leh Kedar gam ukte in tuuno, tuutal leh keeltal tawh na van hong lei uh hi.