Solomon la 1:3 - Tedim Bible

³ Na omna khempeuh nam vuauvuau a, na min kizaza a, nang hong ngai lo om lo hi.

Tedim Bible Revision 2017

³ Na omna khempeuh nam vuauvuau a, na min kizaza a, nungak khempeuh in nang hong ngai hi.

Solomon la 1:3 Referans Kwoze

Thuhilh-sia 7:1

A manpha paknamtui sangin minpha hoihzaw a, i suah ni sangin i sih ni hoihzaw hi.

Johan 12:3

Tua lai takin Mari in tampi a man mard paknamtui thawl khat la a, Zeisu’ khe nuhin a sam tawh a nul hi. Tua paknamtui in inn sung teng a zeel hi.

Solomon la 4:10

It luat, ka lawm ngaih aw, nang tawh kingaih, nuam mahmah hi. Na itna in leenggahzu sangin khumzaw a, na paknamtui in paknamtui dang khempeuh sangin namtuizaw hi.

Mangmuhna 14:4

Tua mite ahih uh leh, tangval ahi uh a, numei tawh khialhna nin a nei ngei lo ahi uh hi. Amaute in Tuuno paina teng a zui mite ahi uh hi. Pasian ading leh Tuuno ading a gah masa bel ahih nadingun mite lak pan a kilei mite ahi uh hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Late 133:2

Tua in, a puanpi ngawng tunga Aaron’ khamul kaisuk zui-a a taaksuk, a lu tunga sathau manpha tawh kibang hi.

Late 45:14

mel tuamtuam a nei puantualpite silhin mihon kigual deudaute lakah a kithuahpih nungakte leh amah a khate tawh kumpipa kiangah kipaipih hi.

Mattiu 25:1

“Tua ahih ciangin Vantung Gam in zipipa dawn dingin, a meivak tawi kawma paikhia nungak sawm tawh kibang hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Solomon la 5:13

A biangte pen paknamtui a dim-a kithun, thawlsan kiuhkeuh tawh kibang hi, A mukte pen, mirrah paknamtui tawh a kidim, unok paak tawh kibang hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

Solomon la 3:6

Mirrah paknamtui leh saledi paknamtui kihel tawh a kibang, sumbuk-a paknamtui om khempeuh, a kihal khin a khu tawh a kibang, gamlak a, hong khu to henhan bang ahi hiam?

Paunak 27:9

Sathau namtui leh paknamtui in lungnuam sak a, lawmte’ limbawlna in tha hatsak hi.

Solomon la 5:5

Ka ngaihno, tumsak dingin ka kithawi a, ka khutte mirrah paknamtui tawh ka zut a, ka khutmete, mirrah paknamtui tui ka nuh a, kong hong dingin a hon’na ka len hi.

Paikhiatna 33:12

Moses in Topa' kiangah, “Thei in, nangmah in keima' kiangah, ‘Hih mite paipih to in,’ nong ci hi; ahih hangin kei tawh nong sawl khop ding mi kei nong theisak nai kei hi. Ahi zongin nangmah in, ‘Na min-in nang kong thei a, ka mai-ah maipha zong na mu khin hi,’ nong ci khin hi.

Solomon la 6:8

Kumpi-zi sawmguk, kumpi zineu sawmgiat, sim zawh lohin nungak om kha mah ding a,

Paikhiatna 33:19

Amah in, “Keima' hoihna khempeuh na mai-ah ka paisak ding a, na mai-ah keima' min ‘Topa’ cihna ka pulak ding hi; ka diknopna mi' tungah ka dik ding a, hehpihna ka lahnopmi' tungah hehpihna ka lak ding hi.