Solomon la 1:10 - Tedim Bible

¹⁰ Na biang tuak-a na samphek kaisukte ngaih baang a, suangmanpha bangin na liangko tungah kinga hi.

Tedim Bible Revision 2017

¹⁰ Na biang tuakah a kai suk na samphekte ngaihbaang a, suangmanpha bangin na liangko tungah kinga hi.

Solomon la 1:10 Referans Kwoze

1 PETER MASA 3:4

Pasian mai-ah a manpha, lungnemna lungsim, a kisia thei lo kizepna ahi, a kimu thei lo lungsim sung kizepna hi ta hen.

Solomon la 5:13

A biangte pen paknamtui a dim-a kithun, thawlsan kiuhkeuh tawh kibang hi, A mukte pen, mirrah paknamtui tawh a kidim, unok paak tawh kibang hi.

Piancilna 24:47

Tua ciangin, ‘Kua’ tanu na hi hiam?’ ci-in amah ka dong hi. Amah in, ‘Nahor leh a zi Milkah’ tapa Bethuel, tanu ka hi hi,’ hong ci hi. Tua ahih ciangin a nak tungah nakbah ka batsak a, a khut tungah taute ka butsak hi.

Solomon la 4:9

It luat, ka lawm ngaih aw, na mit hah in ka lung kuai a, na khi-awh in ka lungsim hong zo hi.

Paunak 1:9

Tua hilhnate in na gamtatna hong hoihsak ding a, kizepna lukhu leh kizepna khi bangin hong etlawm sak ding hi.

Gamlak-vakna 31:50

Kote in Topa mai-ah ko adingin kilemna bawl nadingin Topa biakna kham tawh a kibawl nate, banbuhte leh taute, min gelhna zungbuhte, bilbahte, leh khite ka muh ciat uh kong tun’ pih zo uh hi,” a ci hi.

Piancilna 41:42

Tua ciangin Faro in a min gelhna zungbuh ama' khut tung panin suahkhia-in Josef' khut-ah bulhsak a, puan hoih mahmah tawh amah zemin, a ngawng-ah kham khainiang khat oksak hi;

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat leh shekel sawm a gik kham tau nih tua nu’ khut adingin la a,

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Piancilna 24:53

Nasempa in ngun leh kham kizepnate leh puante hong suahkhia-in Rebekah pia hi; a sanggampa leh a nu zong a manpha kizepnate pia hi.

Solomon la 1:11

Nangma adingin kham khainiang bawlin, na kizep nading zong ngun tawh bawl ni. Nungak: