Sawltak 9:5 - Tedim Bible

⁵ Saul in, “Topa aw, kua na hi hiam?” ci-in a dong hi. Zeisu in, “Na hong bawlsiat Zeisu ka hi hi, ciang hiam na khe tawh peek leteh a haksa hi;

Tedim Bible Revision 2017

⁵ Saul in, “Topa aw, kua na hi hiam?” ci-in a dot ciangin, “Na hong bawlsiat Jesu ka hi hi.

Sawltak 9:5 Referans Kwoze

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Isaiah 45:9

“Amah a Bawlpa tawh a kido mipa, beel seekpa tawh a kido lei beel in gimna ngah ta hen! Tungman in amah a seekpa kiangah, ‘Nang in bang bawl na hi hiam, na nasep in khut nei lo hi,’ ci-in a thu sel ngam ahi hiam?

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

Sawltak 5:39

ahih hangin Pasian’ hanciamna ahih leh, amaute na siasak zo kei ding uh hi. Bang hang hiam na cih uh leh, Pasian tawh na kido loh nadingun na kikem un,” a ci hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Sawltak 9:4

Amah in lei tungah puksuk a, “Saul aw, Saul aw, bang dingin kei hong bawlsia na hi hiam?” a cihna aw a za hi.

Sawltak 9:6

Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Sawltak 10:14

Piter in, “Topa aw, hi thei lo ding hi. Bang hang hiam na cih leh, a siangtho lo na leh a nin na ke’n khatvei beek ka ne ngei kei hi,” a ci hi.

Sawltak 26:14

Kote khempeuh in lei tungah ka puk lai takun, ‘Saul aw, Saul aw, bang hangin hong bawlsia na hi hiam? Ciang hiam na khe tawh peek leteh a haksa hi,’ ci-in Hebru kamin a hong ci aw khat ka za hi.

Filippi 3:12

Tua bang ka cih ciangin ka ngah zo hi ahi zongin, kicin’na-ah ka tum zo hi ahi zongin ci nuam ka hi kei hi. Ahih hangin noptuamna khat pia dingin Khazih Zeisu in kei hong man a, tua noptuamna ka let khak nading-inah, zui-in ka delh hi.