Sawltak 9:39 - Tedim Bible

³⁹ Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Tedim Bible Revision 2017

³⁹ Peter zong kithawi-in a samte tawh pai khawm pah a, tua khua a tun ciangin inn dei tungnung ah a na paipih to pah uh hi. Tua lai ah a na om meigong numei khempeuh in Peter na umcih uh a, Dorkas a hin lai-in amaute adingin a bawlsak puan-akte le puan tungsilhte, a kah kawmun Peter kiangah a lak uh hi.

Sawltak 9:39 Referans Kwoze

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Paunak 10:7

Mihoihte kiphawkphawk a, migilote kimangngilh pah hi.

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

1 THESALONIKA MASA 4:13

Ute naute aw, muan’na a nei lo midangte a dah bangun note in na dah loh nadingun a si mite’ thu thei loin na om ding uh ka deih kei uh hi.

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Sawltak 9:41

Ama mit hak a, Piter a muh ciangin tho-in, a tu hi. Piter in a khut lenin a din’sak khit ciangin misiangthote leh meigongte sam a, Dorkas a nungta-in a lak hi.

Sawltak 8:2

Thu a zahtakte in Stefen a vui uh a, ama hangin nakpi-in a kap uh hi.

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

Johan 12:8

Bang hang hiam na cih uh leh, mizawngte in note tawh a omkhawm ngitnget uh hi. Kei ka hih leh, note tawh omkhawm ngitnget ding ka hi kei hi,” a ci hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Marka 14:8

Hih numei in ahih zawh zahin a hih zo hi. Keima luang vui nadingin ka pumpi paknamtui tawh a hong nilhkhol zo hi.

Mattiu 26:11

Amah in kei tungah thupha hong bawl zo hi. Mizawngte in no kiangah a om tawntung ding uh hi. Kei ka hih leh, no tawh omkhawm tawntung ding ka hi kei hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

2 SAMUEL NIHNA 1:24

“No Israel numeite aw, Saul’ hangin kap un, puansan neel takin a silhte aw, na puan tung uh ah kizepna kham a suangte aw,

Sawltak 1:13

A tun’ uh ciangin Piter, Johan, Jeim leh Andru, Filip leh Thomas, Bartholomai leh Mattiu, Alfe-as’ tapa Jeim, Simon Zealot leh Jeim’ tapa Judas-te a tun’na uh inndei tungah a paito uh hi.

1 TIMOTI MASA 5:3

Meigong taktak ahi numeite na zahtak in.

1 TIMOTI MASA 5:5

Meigongnu taktak hi a, khat guak a om lai numei in Pasian muang a, sun tawh zan tawh thungenin a om tawntung hi.