Sawltak 9:36 - Tedim Bible

³⁶ Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

Tedim Bible Revision 2017

³⁶ Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 9:36 Referans Kwoze

Titu 3:8

Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

Titu 2:7

Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

2 KHANG TANGTHU NIHNATE 2:16

tua ciangin na kisap sing peuhmah Lebanon panin kong phuk ding uh a, nangmah in Jerusalem ah na puaktoh theih nadingin phong-in tuipi tungah Joppa dong nang kiangah kong paipih ding uh hi,” zong ci lai hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Sawltak 10:31

Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

1 THESALONIKA MASA 4:10

Tua tham loin, Makedonia gam mun khempeuh ah a om ute naute khempeuh tungah tua bang na hih uh hi. Ahih hangin ute naute aw, note in khangin, na hauh semsem theih nadingun ahi zongin,

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Johan 15:5

Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Jonah 1:3

Ahih hangin Topa kiangpan Jonah tai khia-in Tarshish khua lamah taisim dingin a kithawi zawsop hi. Joppa khua-ah a paisuk-a Tarshish khua a zuan ding teembaw khat a mu hi. A sap man pia-in a tungah kah a, Topa kiang pan taikhia dingin teembaw hawlte tawh Tarshish khua-ah a pai hi.

Paunak 5:19

A it huai a ngaihbangin ngaihsun tawntung in la, ama ngaihbaan’na tawh lungdamin, ama hong itna tawh lungkim in.

Joshua 19:46

leh Joppa galkhat-a om Mejarkon leh Rakkon a gamte tawh huam hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Solomon la 8:14

Ka ngaihno aw, sanang bangin, paknamtui kung a pona mun, mual tunga om sakhitalno bangin, kei kiangah hong pai in.

Solomon la 3:5

Jerusalem nungakte aw, ko’ kingaihna nong suknawi loh nadingun, sakhi leh sanang tawh kei tungah hong kiciam un.

Solomon la 2:9

Ka ngaihno in sanang tawh kibang a, sakhitalno tawh zong kibang hi. Ka inn pualam uhah ding a, kongvangneu-ah hong dak zial-in, kawmvang panin hong engiau hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Sawltak 9:42

Tua thu in Joppa khua-ah kithei khin a, mi tampi in Topa a um uh hi.

Sawltak 10:8

thu khempeuh a gen khit ciangin Joppa khua-ah a pai sak hi.

Sawltak 10:23

Tua ahih ciangin Piter in tuate inn sungah sam a, a tung sak hi. Zingsang ciangin Piter tho a, amaute tawh a paikhawm hi. Joppa khua unau kimkhatte in zong a zui uh hi.

Sawltak 11:5

“Keimah in Joppa khua sungah thu ka ngen hi. Ka nget lai takin mang sungah vantung panin kiu li tawh a kikhaisuk puanza tawh kibang na khat ka muh leh, keima kiangah hong tungsuk hi.

Sawltak 11:13

Amah in, ‘Vantungmi khat in ka inn sungah ding-a om ka mu a, ‘Joppa khua-ah a min thak Piter kici Simon sam dingin sawl in.

Mattiu 25:17

Tua mah bangin talen nih sangpa in zong, adang amet talen nih mah a ngah hi.