Sawltak 9:35 - Tedim Bible

³⁵ Lidda khua akipan Saron gamah a om mi khempeuhte in tua pa a muh uh ciangin Topa kiangah a kihei uh hi.

Tedim Bible Revision 2017

³⁵ Tua khua-a teeng mi khempeuh le Sharon zanglei-a teeng mi khempeuh in Aineas mu uh ahih manin Topa a um uh hi.

Sawltak 9:35 Referans Kwoze

Sawltak 11:21

Pasian’ khut in amaute tawh omkhawm a, thu-um mi tampi in Pasian kiangah a kihei uh hi.

Sawltak 9:42

Tua thu in Joppa khua-ah kithei khin a, mi tampi in Topa a um uh hi.

1 KHANG TANGTHU MASATE 5:16

amaute Gilead gam sung, Bashan gam leh a khuapite sung, leh Sharon gam sung lonona a kiten’ theihna ciang dongah teeng uh hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

2 KORIN NIHNA 3:16

Ahih hangin Topa kiangah a kihei uh ciangin tua a kisitna a kipaaikhia hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

1 KHANG TANGTHU MASATE 27:29

Sharom gam sungah a gamta ganhonte tungah Sharon khuami Shitrai ahi hi; kuam sunga om ganhonte tungah Adlai’ tapa Shafat ahi hi;

Sawltak 19:20

Tua bangin Topa’ thu in vangliatna tawh khang a, a gualzo hi.

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Sawltak 15:19

Tua ahih ciangin Gentailte lak pan Pasian kiangah hong kiheite bawlsia loin,

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Kah la 3:40

I gamtatna sate ki-en pha kikin Topa lamah kihei kik ni.

Isaiah 66:8

A tuaci bang kua’n za ngei na hi uh hiam? A tuaci bang kua’n mu ngei na hi uh hiam? Ni khat thu-in gam khat piang ngei ahi hiam? Tomno khat sungin minam khat piangkhia ngei ahi hiam? Bang hang hiam cih leh Zion in nausuak gimna a thuak phetin a minamte suak khia pah hi.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Isaiah 31:6

Israel mite aw, nakpi tak-a na dopa uh’ lamah kihei kik un.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Thu-hilhkikna 4:30

Note in gimna thuakin, mai lam hunah hih nate khempeuh no tungah hong tun’ ciangin, Topa na Pasian uh lamah kihei-in ama thu na mang ding uh hi,

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

1 KHANG TANGTHU MASATE 8:12

Elpa-al’ tapate in: Eber, Misham, leh Ono leh Lod a khuapite tawh a sat Shemed,

Ezra 2:33

Lod khua, Hadid khua leh Ono khuami zasagih leh sawmnih-le-nga ahi hi.

Nehemiah 7:37

Lod, Hadik, leh Ono khuami za sagih leh sawmnih-le-khat ahi hi.

Nehemiah 11:35

Lod, Ono, leh Geharashim khuate-ah Benjamin mite teeng uh hi.

Sawltak 2:47

Mi khempeuh mai-ah maipha a ngah uh hi. Gupna a ngah mite zong ni simin Pasian in a kibehlapsak hi.

Sawltak 9:34

Piter in, “Aineas aw, Zeisu in nang hong damsak zo hi. Tho in la, na lupna na phah in,” a cih ciangin amah in thakhatin a tho hi.