Sawltak 9:3 - Tedim Bible

³ Amah lam pai a, Damaskas khua a naih ciangin vantung pan khuavakpi in ama kimkot ah thakhatin a taang hi.

Tedim Bible Revision 2017

³ Damaskas khua a zuan dingin pai a, a tun dektak ciangin thakhat thu-in van panin ama kimkot ah a hong taangzaih khat a om hi.

Sawltak 9:3 Referans Kwoze

1 KORIN MASA 15:8

A nunung belin a hun cing lopi-a suak keima kiangah hong kilang hi.

Sawltak 22:6

“Lampi ka pai lai takin Damaskas khua ka naih ciangin, sun lai takin vantung panin khuavak a taang mahmah ka kimkot ah thakhatin hong taang hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

Sawltak 9:27

Ahih hangin Barnabas in Pasian’ sawltakte kiangah Saul paipihin, amah in lampi-ah Zeisu a muhna thu ahi zongin, amah tawh a kihona thu ahi zongin, Damaskas khua-ah Zeisu’ min tawh lau loin thu hilhna thu ahi zongin a gen hi.

1 KORIN MASA 9:1

To nei lo mi hilo ka hi hiam? Sawltakpa hilo ka hi hiam? I Topa Zeisu a mu mi hilo ka hi hiam? Note in Pasian sungah ka nasepna gah hilo na hi uh hiam?