Sawltak 9:29 - Tedim Bible

²⁹ lau loin Zeisu’ min tawh thu hilh a, Grik Judah mite tawh thu kinialin a om hi. Tuate in Saul thah nading a zong uh hi.

Tedim Bible Revision 2017

²⁹ Grik pau a zang Jew mite tawh zong thu gen khawmin kiseel uh a, amaute in Saul thah dingin a vaihawm uh hi.

Sawltak 9:29 Referans Kwoze

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Sawltak 17:17

Tua ahih ciangin kikhopna inn sungah Judah mite tawh akipan Pasian a bia mite leh sumbuk lamah a kituahpihte tawh thu a kikum uh hi.

Sawltak 9:27

Ahih hangin Barnabas in Pasian’ sawltakte kiangah Saul paipihin, amah in lampi-ah Zeisu a muhna thu ahi zongin, amah tawh a kihona thu ahi zongin, Damaskas khua-ah Zeisu’ min tawh lau loin thu hilhna thu ahi zongin a gen hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

Sawltak 9:28

Saul in amaute tawh Jerusalem khua-ah omkhawm a, a pai zel, a ciah zel a,

Sawltak 22:18

‘Nang thakhatin Jerusalem khua pan a manlangin na paikhia in. Bang hang hiam na cih leh, keima thu na genna amaute in hong sang kei ding uh hi,’ ci-in Pasian in hong gen ka mu hi.