Sawltak 9:27 - Tedim Bible

²⁷ Ahih hangin Barnabas in Pasian’ sawltakte kiangah Saul paipihin, amah in lampi-ah Zeisu a muhna thu ahi zongin, amah tawh a kihona thu ahi zongin, Damaskas khua-ah Zeisu’ min tawh lau loin thu hilhna thu ahi zongin a gen hi.

Tedim Bible Revision 2017

²⁷ Tua ciangin Barnabas in Saul hong huh a, sawltakte kiangah Saul a va paipih hi. Lam a pai laitakin Saul in Topa a muhna thu, Topa in Saul kiangah a thugennate le Damaskas khua ah Saul in hang takin Jesuʼ min tawh thu a hilhnate khempeuh sawltakte kiangah a gensak hi.

Sawltak 9:27 Referans Kwoze

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Sawltak 4:29

Tu-in Topa aw, amau tawn’na thu na ciamteh in la, cinatna a damsak nadingin na khut na zan lai takin na silate in,

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Galati 2:13

A dang Judah mite in zong amah tawh simtat khawmin, amau simtat manin Barnabas nangawn in amaute lam a zui hi.

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

1 KORIN MASA 15:8

A nunung belin a hun cing lopi-a suak keima kiangah hong kilang hi.

1 KORIN MASA 9:6

Ahih kei leh, keimah leh Barnabas bek nasem loin om theih nading thu om lo ahi hiam?

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 12:25

Barnabas leh Saul in a sep ding bang bang uh a zawh khit uh ciangun Marka kici a min thak Johan tonpihin, Jerusalem khua panin a ciah uh hi.

Sawltak 11:25

Tua khit ciangin Saul a zong dingin Barnabas paikhia a, Tarsas khua a tung hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

Sawltak 9:29

lau loin Zeisu’ min tawh thu hilh a, Grik Judah mite tawh thu kinialin a om hi. Tuate in Saul thah nading a zong uh hi.