Sawltak 9:20 - Tedim Bible

²⁰ ‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Tedim Bible Revision 2017

²⁰ Kikhopna innte ah va pai-in, “Jesu pen Pasianʼ Tapa ahi hi,” ci-in thu hilh ding a kipan hi.

Sawltak 9:20 Referans Kwoze

Johan 20:28

Thomas in, “Ka Topa leh ka Pasian aw,” a cih ciangin,

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in:

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

Sawltak 13:14

Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Sawltak 13:5

Salamis khua-ah a om lai takun Judah mite’ kikhopna inn sungah Pasian’ thu a hilh uh hi. Johan in amaute huh dingin a om

Sawltak 9:22

Saul khangto-in siam semsem a, Judah mite’ thugenna hoih takin thukkikin, Zeisu in Khazih ahi takpi hi, ci-in a lak hi.

Sawltak 8:36

Lampi a pai lai takun tui omna-ah a tung uh a,

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 16:13

Nipi ni-in komau in khua nawlah paikhia-in, thungetna mun om ngei-a ka upna uh gun gei-ah pai-in, ka tut khit uh ciangin tua san takah a kikhawm numeite thu ka hilh uh hi.

Sawltak 17:2

Paul in a ngeina bangin kikhopna innah tumin, amaute kiangah Nipi ni thumvei Lai Siangtho thu panin tuate tawh kiseel a,

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:17

Tua ahih ciangin kikhopna inn sungah Judah mite tawh akipan Pasian a bia mite leh sumbuk lamah a kituahpihte tawh thu a kikum uh hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,

Sawltak 8:37

Mangpa in, “Tui a om hi. Keimah kibaptaiz loh nadingin bang thu in hong kham ahi hiam?” a ci hi. Filip in, “Na lungsim khempeuh tawh na up leh ahi thei hi,” a ci hi; Mangpa in zong, ‘Zeisu Khazih in Pasian’ Tapa ahihna thu ka um hi,’ ci-in a pulak ciangin,