Sawltak 9:2 - Tedim Bible

² hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Tedim Bible Revision 2017

² Topaʼ thu a zui mi numei pasal a muh peuhpeuh manin Jerusalem khua ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Sawltak 9:2 Referans Kwoze

Sawltak 19:23

Tua lai takin Lampi thu hangin thusia a piang hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Sawltak 24:22

Mangpipa in, “Galkap mangpa Lisias hong paisuk ciangin note ka hong dong ding hi,” ci-in tua Lampi thu thei zo ahih ciangin thu khen loin, amaute a khahkhia hi.

Sawltak 18:25

Tua pa in Lai Siangtho siam a, Topa’ Lampi thu sintel-in, lungsim lawpna tawh Zeisu thu a tel takpi a hilh hangin, Johan baptaizna thu bek a thei hi.

Sawltak 9:14

Hi san takah zong na min tawh thungen khempeuh khau tawh hen nadingin siampi liante kiangah thu a ngah hi,” a ci hi.

Sawltak 26:12

“Tua ahih ciangin siampi liante thupiakna leh lai pua-in Damaskas khua lampi ka pai lai takin,

Sawltak 7:19

Tua kumpipa in ei mipawlte lungpilna tawh kheem a, naungeekte a hin’ theih loh nadingin a paihmang nadingun i pute i pate a bawlsia hi.

Sawltak 6:9

Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

Piancilna 14:15

Amah in amaute do dingin zan hunin ama' pawlte, amah leh a nasemte khenin amaute zo a, Damaskas leilu lam Hobah ciang dong delh uh hi.

Isaiah 17:1

Damaskas tawh kisai thu:— En in, Damaskas in khuapi hi nawn loin, ninbulomtang suak ding hi.

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Sawltak 9:21

Thu a za mite in lamdang a sa uh a, “Hih pa in Jerusalem khua sungah tua min tawh thungente a bawlsiapa hilo ahi hiam? Amaute khau-in a hen khit ciangin siampi liante kiangah paipih dingin hih lai takah hong pai hi,” a ci uh hi.

Sawltak 26:10

Jerusalem khua-ah tua bangin ka hih zo hi. Siampi liante kiang pan thu ka ngah khit ciangin misiangthote thong sungah ka khia hi. Amaute in sihna a thuak uh ciangin ka thukim hi.

2 KORIN NIHNA 11:32

Damaskas khua-a Aretas kumpipa’ khua ukpa in kei hong man dingin Damaskas khua ah hong pan’ lai takin,

Galati 1:17

eimah sawltak a suak mite omna Jerusalem khua-ah zong pai loin Arabia gamah pai-in khatvei Damasakas khua-ah ka ciahkik hi.