Sawltak 9:15 - Tedim Bible

¹⁵ Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Tedim Bible Revision 2017

¹⁵ Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

Sawltak 9:15 Referans Kwoze

ROM (Romans) 11:13

Gentailte ahi note kiangah kong gen hi. Gentailte’ sawltak ka hi ahih ciangin,

1 TIMOTI MASA 2:7

Keimah in tua teci pang mi za-ah ahi zongin, sawltak za-ah ahi zongin, upna thu leh thuman thutak thu Gentailte kiangah a hilh za-ah ahi zongin hong koih hi, ka cih ciangin thuzuau ka gen kei hi, thuman thutak ka gen hi.

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

2 TIMOTI NIHNA 2:4

Na a sep lai takin galkap in amah galkap a tumsak mi’ deihna bangin ahih theih nadingin, hih leitung vaite tawh a kikai-awk sak kei hi.

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

2 TIMOTI NIHNA 1:11

Tua thu hilh ding za-ah ahi zongin, sawltak za-ah ahi zongin, laihilh za-ah ahi zongin kei hong koih zo hi.

Galati 1:1

Mite kiang pan hi lo, mite’ thu tawh hi lo, Zeisu Khazih’ thu tawh ahi zongin, tua Zeisu sihna panin a thosak Pa Pasian’ thu tawh ahi zongin sawltak ahi keimah Paul akipan,

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Sawltak 26:32

Agrippa in, “Tua pa in, ‘Kaisar kumpipa kiangah azu ka khan ding hi,’ ci hi kei leh, a khah tuak hi,” ci-in Festas kiangah a ci hi.

Sawltak 25:22

Agrippa in zong, “Tua pa thu ka za nuam hi,” a cih ciangin, Festas in, “Zing ciangin ama thu na za ding hi,” a ci hi.

Sawltak 21:19

Paul in tua mite a hopih khit ciangin ama thuhilh nasepna hanga Pasian in Gentailte tungah ahihna thu khempeuh khat nungah khat a gen hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

Sawltak 26:1

Tua ciangin Agrippa in, “Nang in nang ading na gen thei ding hi,” a cih ciangin Paul in a khut zanin a gen-inah:

Sawltak 28:28

Tua ahih ciangin Pasian in hong piak hih gupna thu Gentailte kiangah kipuak ding a,

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

1 KORIN MASA 9:16

Lungdamna Thu ka hilh manin kisaktheih nading thu om lo hi. Bang hang hiam na cih uh leh, thu hilh loin ka om thei kei hi. Thu ka hilh kei leh, gimna ka thuak hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,