Sawltak 9:1 - Tedim Bible

¹ Saul in Topa’ nungzuite langpanin tawng a, thah dingin nakpi-in a nakkhiat lai takin,

Tedim Bible Revision 2017

¹ Tua hun sungteng Saul in Topaʼ thu a um mite thah dingin a hanciamna zom lai hi. Siampi lianpen pa kiangah pai a,

Sawltak 9:1 Referans Kwoze

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Galati 1:13

Bang hang hiam na cih uh leh, nidang lai-in Judah ngeina zui-in ka om a, ka gamtat ahi Pasian’ pawlpi a kigen thei loin ka bawlsiat a, ka sukgawp thu ahi zongin,

1 KORIN MASA 15:9

Keimah in a beisa hunin Pasian’ pawlpite a bawlsiapa ka hih ciangin a neubel sawltak ka hi a, sawltak kici dinga kilawm ka hi kei hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.

Filippi 3:6

Lungsim khauhna pan ci leeng pawlpi bawlsiapa ka hi hi. Thukham hangin kingah dikna lam pan ci leeng mawhsak nading om lo mi ka hi hi.

Late 27:12

Ka langte’ deihna bangin kei hong nusia kei in; bang hang hiam cih leh teci man lote ka langah pang khin a, amaute in ngongtatna hu sangkhia uh hi.