Sawltak 8:9 - Tedim Bible

⁹ Simon min nei mi khat in tua khua sungah mitphial dawi bawlin, “Kei zong milian khat ka hi hi,” ci-in Samaria mite lamdang a sasak ngei hi.

Tedim Bible Revision 2017

⁹ Tua khua sungah Simon a kici mi khat om a, amah mitphial bawl siampi hi a, Samaria mite in lamdang sa mahmah uh hi. Amah mi lian mahmah khatin kigen a,

Sawltak 8:9 Referans Kwoze

Sawltak 13:6

Pafos khua dongin tua gam khempeuh a paisuak khit uh ciangin Pafos khua-ah tung uh a, Judah mi dawi aisan ahi, a min Bar-Zeisu kici thuzuau kamsangpa khat a mu uh hi.

Sawltak 5:36

Bang hang hiam na cih uh leh, tuma-in Thudas kici mi khat tho a, ‘Kei in mi mawk ka hi kei hi’ ci-in mi zali bang in a belh khit uh ciangin amah kithat a, ama thu umte khempeuh kikhen thangin a kisia uh hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Siampi Laibu 20:6

“Mi khat vankahna leh ai saanna lamah kihei-in tuate thu a dot leh, keimah in tua mipa ka maisiat ding a, ama mite lak panin amah ka hawlkhia ding hi.

Sawltak 8:11

Amah in mitphial bawlin, sawt veipi mite lamdang sasak ahih ciangin amaute in a thu a ngai uh hi.

Paikhiatna 7:22

Ahih hangin Izipt mitphial siamte in amau’ siamna tawh tua bangmah bawl thei uh hi; tua ahih ciangin Faro’ lungsim a khauh ngei mahin khauh a, Topa’ gensa bangin amah in amaute’ thu ngai lo hi.

Paikhiatna 7:11

Tua ciangin Faro in mi pilte leh aisan siamte sam hi; amau’ Izipt mitphial siamte in zong amau’ siamna tawh tua bang teek mahin bawl thei uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

2 TIMOTI NIHNA 3:2

Bang hang hiam cih leh, mite in amau pumpi uh it mi, sum it mi, a kisathei mi, lungkhauh mi, mi gensia thei mi, a nute a pate thu a mang lo mi, hehpihna a phawk lo mi, a siangtho lo mi,

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Paikhiatna 9:11

Mitphial siamte in meimatum hangin Moses dem zo nawn lo uh hi, bang hang hiam cih leh mitphial siamte leh Izipt mite khempeuh in meimatum vei uh hi.

Sawltak 13:8

Ahih hangin mi bum theipa ahi Elimas in amaute nial a, mangpa in thu up loh nadingin a bawl hi.