Sawltak 8:7 - Tedim Bible

⁷ Bang hang hiam i cih leh, dawivei mi tampite pan dawite in nakpi-in kiko-in a pusuak uh hi. A pum langkhat a si mi leh khebai mi tampi in damna a ngah uh hi.

Tedim Bible Revision 2017

⁷ Mi tampite sung panin dawite nakpi takin kiko-in paikhia uh a, khut zaw khe zaw mite zong kidamsak hi.

Sawltak 8:7 Referans Kwoze

Mattiu 10:1

Tua ciangin Zeisu in a nungzuite sawm leh nihte a sap khit ciangin, kihhuai dawite hawlkhiat theih nading ahi zongin, cinatna pawl khempeuh damsak theih nading ahi zongin thu a pia hi.

Sawltak 5:16

Jerusalem kimkot khuate panin mi tampite in cina khempeuh leh dawi bawlsiatte hong paipihin a kikhawm uh a, tua micinate khempeuh in damna a ngah kim uh hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Luka 10:17

Tua sawmsagihte in lungdamna tawh hong ciahkik uh a, “Topa aw, na minin dawite nangawn ka zo uh hi,” a ci uh hi.

Marka 9:26

dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

Sawltak 8:6

Mihonte in a za uh a, Filip hih nalamdangte a muh ciangin tua thu lungsim kikhatin a ngai ciat uh hi.