Sawltak 8:39 - Tedim Bible

³⁹ Tui sung pan a kahtoh khit ciangin Kha Siangtho in Filip lakhia a, Mangpa in a nung ciangin Filip a mu nawn kei hi; lungdam mahmahin lam a paikik hi.

Tedim Bible Revision 2017

³⁹ Tui sung panin a paikhiat khit uh ciangin Topaʼ Kha Siangtho in Filip paikhiatpih hi. Mangpa in Filip mu nawn lo hi; ahi zongin lungdam takin a lampai a zom hi.

Sawltak 8:39 Referans Kwoze

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

2 KUMPI NIHNATE 2:16

Tua ciangin amaute in ama kiangah, “Tu-in en in, na nasemte tawh a thahat mihing sawmnga om hi; kong thum uh hi, amaute paisak in la na topa zong in; Topa’ Kha in amah manin mual tung ahih kei leh guam sungah amah khia hi kha ding hi,” a ci uh hi. Tua ciangin amah in, “Na sawl kei ding uh hi,” a ci hi.

Ezekiel 11:24

Tua ciangin ka maang sung mahin Pasian’ Kha in hong leen’pihin Babilon gama sal-a omte kiang hong tun’pih kik hi. Tua ciangin ka maang muhna hong bei a,

Ezekiel 8:3

A khut ding tawh a kibang pian khat in hong sawkin ka sam-in hong man hi. Tua ciangin hih ka maang sungin, Pasian’ Kha in vanah hong leen’pih to-in Jerusalem khuapi hong tun’pih hi. Tua lai panin, Pasian a hehsuahna ahi milim a omna mun, biakinn tual sungnung lutna, leilu lam kongpi-ah hong paipih hi.

Ezekiel 43:5

Tua ciangin Kha in hong la-in a tual sungnungah hong paipih a, tua lai panin, Topa’ minthan’na tawh biakinn sung a kidimna ka mu hi.

Ezekiel 11:1

Tua ciangin Pasian’ Kha in biakinn nisuahna lam kongpi-ah hong paipih hi. Tua kongpi gei-ah mihing sawmnih leh nga na om a, tuate lakah minam makai ahi nihte, Azzur’ tapa Jaiazaniah leh Benaiah’ tapa Pelatiahte zong na kihel uh hi.

Marka 1:10

Thakhat a, tui sung pan a thawhtoh lai takin van kihong a, Kha Siangtho in vakhu bangin ama tungah hong kumsuk a mu hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Jeim 4:16

Tu-in ahih leh, note na kiphatsakna uhah na kisathei uh hi. Tua bang kisaktheihna ahoih kei hi.

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

Sawltak 13:52

Nungzuite in lungdamna leh Kha Siangtho tawh a kidim uh hi.

Sawltak 8:8

Tua khua sungah lungdamna tampi a piang hi.

Mattiu 13:44

“Vantung Gam in lo lai-ah a kiseel sum tawh kibang hi. Tua sum a mupa in khatvei seel kik a, lungdam mahmahin pai a, a neih khempeuh zuakin tua lo a va lei hi.”

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Late 119:111

Nangma biakna ngeina kipte in tawntung keima luah ahi hi; hi hi, tuate in keima lungdamna ahi hi.

Late 119:14

Hauhnate khempeuh sangin nangma thuhilhnate nuam ka sa zaw hi.

Sawltak 16:34

Ama innah lutpih a, an vaak a, Pasian a up manin, a innkuanpihte khempeuh tawh a lungdam uh hi.

Ezekiel 37:1

Ka sungah Topa hong om lamtak ka kiphawk a, ama Kha in kei hong paipihin, misi guh tawh a kidim-a om kuampi khatah hong koih hi.

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

Sawltak 8:38

Mangpa in leeng khawlsak a, Filip leh Mangpa a nihun tui sungah a pai uh a, Filip in a baptaiz hi.