Biblia Todo Logo
Bib sou entènèt

- Piblisite -




Sawltak 8:37 - Tedim Bible

37 Mangpa in, “Tui a om hi. Keimah kibaptaiz loh nadingin bang thu in hong kham ahi hiam?” a ci hi. Filip in, “Na lungsim khempeuh tawh na up leh ahi thei hi,” a ci hi; Mangpa in zong, ‘Zeisu Khazih in Pasian’ Tapa ahihna thu ka um hi,’ ci-in a pulak ciangin,

Gade chapit la Kopi

Tedim Bible Revision 2017

37 Filip in, “Na lungsim takpi tawh na up nakleh tui na kiphum thei ding hi,” a cih ciangin, “Jesu Khris pen Pasianʼ Tapa hi, ci-in ka um hi,” ci-in a dawng hi.

Gade chapit la Kopi




Sawltak 8:37
20 Referans Kwoze  

Lampi a pai lai takun tui omna-ah a tung uh a,


Mangpa in leeng khawlsak a, Filip leh Mangpa a nihun tui sungah a pai uh a, Filip in a baptaiz hi.


Simon Piter in, ‘Nangmah in a nungta Pasian’ Tapa, Khazih na hi hi,” a ci hi.


Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.


Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.


Simon Piter in, “Topa aw, kote in kua kiangah pai ding ka hi uh hiam?


Amaute in amah a hawlkhiatna thu Zeisu in za a, tua pa a muh ciangin, “Pasian’ Tapa na um hiam?” ci-in a dong hi.


amah in, “Ka um hi, Topa aw, Leitungah hong pai ding Pasian’ Tapa Khazih na hih ka um hi,” a ci hi.


Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.


Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.


Filip in Pasian’ Gam leh Zeisu Khazih’ minin Lungdamna Thu gen a, tua mite in a up uh ciangin numeite leh pasalte a kibaptaiz uh hi.


Nang in hih thu tawh na kikum na kituak kei hi. Bang hang hiam na cih leh, nangma lungsim in Pasian mai-ah a man kei hi.


‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.


Dikkisakna ngah nadingin lung sungah ki-um hi. Gupna ngah nadingin kam tawh kipulak hi.


Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.


Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.


Zeisu in Pasian’ Tapa ahi ci-a mang mi khempeuh in Pasian sungah om a, Pasian zong tua mi sungah a om hi.


Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.


Zeisu in Pasian’ Tapa ahi ci-in a um mi sim loh, leitung a zo kua mi ahi hiam?


Pasian’ Tapa a um mi in ama sungah teci pan’na a ngah hi. Pasian a um lo mi in Pasian pen zuau gen mi hi cih a suaksak hi. Bang hang hiam na cih uh leh, Pasian in ama Tapa ading a teci pan’na thu, tua mi in a um kei hi.


Swiv nou:

Piblisite


Piblisite