Sawltak 8:35 - Tedim Bible

³⁵ Filip in kam ka a, tua Lai Siangtho pan akipan Zeisu thu a gen hi.

Tedim Bible Revision 2017

³⁵ Filip zong a kam ka-in thugen ding kipan a, tua a Lai Siangtho simna mun a kipanin Jesu thu ciang dong a gen hi.

Sawltak 8:35 Referans Kwoze

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Sawltak 18:28

Bang hang hiam i cih leh, Zeisu in Khazih ahi hi cih thu Lai Siangtho tawh tel takin lak a, mite mai-ah Judah mite’ kam a nial hi.

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Mattiu 5:2

Amah in kam ka a, a nungzuite thu a hilh inah:

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Efesa 4:21

Nidang lai-inah na gamtatna uhah a hong khem thei huaihamna lungsim hangin a muat thei mi lui suahkhia-in lungsim ngaihsutna thak na ngah khit uh ciangin, thuman thutak tawh kipawl dikna leh siangthona hangin Pasian tawh a kibanga kibawl mi thak na silh nadingun Zeisu’ thu na zak na ngaih uh ciangin, Zeisu-a thuman thutak a om mah bangin tua Topa kiangah thu na sin un.

2 KORIN NIHNA 6:11

Korin mite aw, kote kam un note kiangah hon’sa-in a om hi. Ka lungsim uh zong a zai hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Sawltak 19:13

Ahih hangin a vak kawikawi aisan Judah mi kimkhatte in dawigilo a lut mite tungah Topa Zeisu’ min tawh thupia-in, “Paul in a hilh Zeisu’ min tawh kong sawl hi,” a ci uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

Sawltak 8:34

Mangpa in, “Kamsangpa in a kua thu a gen hiam? Amah a kicihnopna-a a gen hiam? Ahih kei leh, midang cihnopna-a a gen hiam?” ci-in Filip kiangah a dong hi.