Sawltak 8:33 - Tedim Bible

³³ A kilungnemsak lai takin midangte in ama tungah thu a khen uh hi. Ama hin’na leitungah kilakhia ahih ciangin, Ama suante kua in a lak ding hiam?” cih ahi hi.

Tedim Bible Revision 2017

³³ Mite in amah simmawh bawl gawp a, amah a huh kuamah om lo hi. Ama nuntakna leitungah bei ahih manin, a suan a khakteʼ thu, ci-a gen ding om lo hi,” ci-in a kigelhna mun ahi hi.

Sawltak 8:33 Referans Kwoze

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Late 22:30

Suan-le-khakte in ama na sem ding uh hi; mite in hong piang ding mihonte tungah Topa’ thu gen ding uh a,

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

JOB (Job) 34:5

Job in lah, ‘Kei ka dik hi, Pasian in kei a thumanin hong seh nuam lo hi,

JOB (Job) 27:2

“Keima dikna hong seelcipsak Pasian, ka lungsim hong gimsak Vanglianpa a nungta ahih mah bangin,

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Sawltak 8:34

Mangpa in, “Kamsangpa in a kua thu a gen hiam? Amah a kicihnopna-a a gen hiam? Ahih kei leh, midang cihnopna-a a gen hiam?” ci-in Filip kiangah a dong hi.