Sawltak 8:30 - Tedim Bible

³⁰ kamsangpa Isaiah’ lai a sim za a, “Na simna thu na thei hiam?” ci-in a dong hi.

Tedim Bible Revision 2017

³⁰ Filip zong ama kiangah va tai a, kamsang Isaiah laibu a simna za ahih manin, “Na laisim a khiatna na thei hiam?” ci-in a dong hi.

Sawltak 8:30 Referans Kwoze

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Efesa 5:17

Tua ahih ciangin mihai suak loin, Topa’ deihna in bang ahi hiam ci-in na thei un.

Mattiu 15:10

Tua lai takin Zeisu in mihonpite sam a, “Note in ngai un la, na thei ta un.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

1 KORIN MASA 14:19

Ahih hangin pawlpi lakah pautuam dang tawh kam thenkhat ka gen theih sangin midangte hilh thei nadingin kam nga bek lungpilna tawh hilh theih nading ka deihzaw hi.

Marka 13:14

“A kisia thei kihhuaina in a kilawm lo munah ding-in a om na muh uh ciangin, (Lai Siangtho a sim theite in thei ta hen) Judah gamah a omte in mual tungah tai ta uh hen.

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Mattiu 13:51

“Hih thu khempeuh note’n na thei uh hiam?” ci-in a dot ciangin, “Ka thei khin uh hi,” a cih uh leh,

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

Mangmuhna 13:18

Hih thu-ah pilna a om hi. Pilna a nei mi in sahang’ nambat sim ta hen. Bang hang hiam i cih leh, mi khatpeuh’ nambat ahi hi. Tua nambat in zaguk sawmguk-guk ahi hi.

Sawltak 8:27

Tua lai takin Ethiopia gam a uk Kandake kumpinu nuai-ah a vanglian, a vaihawm mang, ama sum khempeuh a uk, Ethiopia mi khat in Pasian bia dingin Jerusalem khua-ah a pai khit ciangin,

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Sawltak 8:5

Filip in Samaria khua-ah pai-in Khazih thu a gen hi.

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

Sawltak 8:31

Tua mangpa in, “Hong hilh a om kei leh, bang ci theih ding ka hi hiam?” a cih ciangin, Filip in amah tawh kahto a, tukhawm dingin mangpa in a ngen hi.