Sawltak 8:3 - Tedim Bible

³ Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Tedim Bible Revision 2017

³ Ahi zongin Saul in pawlpi suksiat ding hanciam a, inn khat pan inn khat ah pai kawikawi-in, thu um numei le pasalte kai-in thong sungah a khia hi.

Sawltak 8:3 Referans Kwoze

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Filippi 3:6

Lungsim khauhna pan ci leeng pawlpi bawlsiapa ka hi hi. Thukham hangin kingah dikna lam pan ci leeng mawhsak nading om lo mi ka hi hi.

Galati 1:13

Bang hang hiam na cih uh leh, nidang lai-in Judah ngeina zui-in ka om a, ka gamtat ahi Pasian’ pawlpi a kigen thei loin ka bawlsiat a, ka sukgawp thu ahi zongin,

1 KORIN MASA 15:9

Keimah in a beisa hunin Pasian’ pawlpite a bawlsiapa ka hih ciangin a neubel sawltak ka hi a, sawltak kici dinga kilawm ka hi kei hi.

Sawltak 22:19

Keimah in zong, ‘Topa aw, nangmah hong umte thong sungah ka khum a, kikhopna inn khempeuh sungah ka sat hi ci-in amaute in hong thei uh hi.

Sawltak 9:21

Thu a za mite in lamdang a sa uh a, “Hih pa in Jerusalem khua sungah tua min tawh thungente a bawlsiapa hilo ahi hiam? Amaute khau-in a hen khit ciangin siampi liante kiangah paipih dingin hih lai takah hong pai hi,” a ci uh hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Sawltak 8:2

Thu a zahtakte in Stefen a vui uh a, ama hangin nakpi-in a kap uh hi.

Sawltak 16:19

Ama tote in summeet ngah na’ng lametna om lo hi cih a theih ciangun, Paul leh Silas man uh a, khua ukte mai-a sumbuk lamah a paipih uh hi.