Sawltak 8:24 - Tedim Bible

²⁴ Simon in, “Na thupiak khat beek keima tungah a tun’ loh nadingin Pasian kiangah thu hong ngetsak in,” a ci hi.

Tedim Bible Revision 2017

²⁴ Tua ciangin Simon in Peter le Johan kiangah, “Tu-a na thugente uh kei tungah khat beek hong tun loh nadingin thu hong ngetsak un,” a ci hi.

Sawltak 8:24 Referans Kwoze

Gamlak-vakna 21:7

Moses kiangah mite hong pai-in, “Topa leh nang hong gensia-in kam pau ka hih manun ka khial uh hi; kote kiang panin gulte a lak khiat nadingin Topa tungah thuum in,” a ci uh hi. Tua ahih ciangin mite’ adingin Moses in thuumsak hi.

Paikhiatna 8:8

Tua ciangin Faro in Moses leh Aaron samin, “Kei leh ka mite' kiang panin uiphukte a lakkhiat nadingin Topa' tungah thum un; Topa' tungah biakna pia dingin mite ka paisak ding hi,” ci hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

JOB (Job) 42:8

Tu-in bawngtal sagih leh tuutal sagih la-in Job kiangah paipih un la, note’ adingin biakpiakna-in nei un. Job in note’ adingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

Paikhiatna 12:32

Na gensa bangun na tuuhonte uh leh na bawnghonte uh la un la, pai un; kei zong thupha hong pia un,” a ci hi.

Paikhiatna 10:17

Tua ahih ciangin tu-in ka khialhna hong maisak in, tu-a khat vei bek, kong thum hi, keima' tung panin hih sihna a lakkhiat ding Topa na Pasian tungah thum in,” a ci hi.

Piancilna 20:7

Tua ahih ciangin tu-in mipa’ zi pia kik in; bang hang hiam cih leh amah in kamsangpa khat hi a, amah in nang’ adingin thu hong ngetsak ding a, nang na nungta ding hi. Ahih hangin nang in tua numei na piak kik kei leh nang leh na neih khempeuh na sih taktak ding uh thei in,” ci hi.

Ezra 8:23

Tua hi a, kote in an ka tang uh hi; nuamtak-a ka khualzin theih nading uh i Pasian tungah ka ngen uh a, amah in ka thungetna uh hong pia hi.

Ezra 6:10

Tua hi leh amaute in vantung Pasian’ tungah a namtui biaknate pia-in kumpipa leh a tapate’ nuntak nading thu hong ngetsak thei ding uh hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte’ adingin Topa tungah thungen in; bang hang hiam cih leh ka khialhnasate uh banah kote adingin kumpi khat ngenin hih siatna ka behlap lailai uh hi,” a ci uh hi.

Piancilna 20:17

Tua ciangin Abraham in Pasian' tungah thungen a, Pasian in Abimelek damsak hi. Amaute in ta a neih theih nadingin a zi leh a numei-silate zong damsak hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.