Sawltak 8:23 - Tedim Bible

²³ Bang hang hiam na cih leh, nangmah in a kha sinkha na nei a, mawhna kikhihna na thuak hi cih ka thei hi,” a ci hi.

Tedim Bible Revision 2017

²³ Bang hang hiam cih leh nangmah in en luatna lungsim nei-in, mawhna in hong valhcip mi khat na hih lamtak ka hong thei hi,” a ci hi.

Sawltak 8:23 Referans Kwoze

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Johan 8:34

Zeisu in, “Aman takpi kong cih-inah, ‘Mawhna a bawlte khempeuh in mawhna’ sila ahi uh hi.

2 PETER NIHNA 2:19

Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Kah la 3:19

Gimna ka thuak nate leh inn leh lo nei lo-a ka omna in gu kha bang hi a,

Kah la 3:5

Amah in lunggimna leh gentheihna thonginn sungah a hong kalhkhum hi.

Jeremiah 9:15

Tua ahih manin a vanglian Topa, Israel mite’ Pasian in kong cih-inah: En in, hih mite gamsai-in ka vak ding a, gutui ka dawnsak ding hi.

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Isaiah 28:22

Tua ahih ciangin tu-in, note hong kikhihna, a to-in kibawl kha ding ahih manin thusim loin om kei un; bang hang hiam cih leh Vanglianpen Topa Pasian tung panin gam buppi-ah siat nading thukhenna ka za khin hi.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

JOB (Job) 20:14

a gil sungah a kha mahmah an suakin, gulgu a khapen zahin kha deidai hi.

Efesa 4:31

Kimuhdahna khempeuh, hehna khempeuh, thangpaihna khempeuh, han’sanna khempeuh, mindai nading mi gensiatna khempeuh, hazatna khempeuhte note kiang pan na paaikhia un!