Sawltak 8:20 - Tedim Bible

²⁰ Piter in, “Pasian’ hehpihna dangka tawh kilei thei hi cih ngaihsun na hih ciangin nang tawh na dangka siakhawm ta hen.

Tedim Bible Revision 2017

²⁰ Ahi zongin Peter in, “Pasianʼ piakkhong na pen sum tawh lei theih dingin ngaihsun na hih manin na sum teng tawh si khawm in.

Sawltak 8:20 Referans Kwoze

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Daniel 5:17

Daniel in kumpipa kiangah, “Letsong pen kei hong pia kei in la, midang khatpeuh pia zaw in. Ahi zongin tua lai kigelh kong simsak ding a, a khiatna kumpipa kong hilh ding hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Mangmuhna 18:15

Tua sumte kizuak kilei-in, tua khuapi hangah hauhna a ngah sumbukte in tua khuapi in a thuak gimna kihta-in gamlapi pan ding-in,

Jeim 5:3

Na kham na ngunte uh zong a keekseu khin hi. Tuate keekseuna in note lang khatah teci hi a, mei bangin note’ sa hong ne ding uh hi. Note in a nunung bel ni hi napi-in sum na khol uh hi.

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.

Sawltak 11:17

Tua ahih ciangin eite in Topa Zeisu Khazih’ thu i up ciangin Pasian in thupha hong piak mah bangin Pasian in tuate a piak leh, Pasian a nial dingin kei kua ka hi hiam?” ci-in Piter in a gen hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

Sawltak 1:18

(Tua pa in a gilohna thaman tawh lo khat a lei khit ciangin, a bungbu-in kia a, a gilpi kitamin a gil khempeuh a buakhia hi.

Paunak 15:26

Topa in migilote’ ngaihsutna kihhuai sa a, midikte’ kampaunate hoih sa hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi; note in tua nate mudah mahmahin na kih ding uh hi; bang hang hiam cih leh tua nate in a kisamsia na ahi hi.

Sawltak 8:19

“Keima khut a tungah ka ngaksate in Kha Siangtho a ngah nadingin kei zong thu hong pia in,” ci-in dangka a lui hi.