Sawltak 8:2 - Tedim Bible

² Thu a zahtakte in Stefen a vui uh a, ama hangin nakpi-in a kap uh hi.

Tedim Bible Revision 2017

² Thu um mi pawl khat in Stefen vui uh a, nakpi takin dahin a kap uh hi.

Sawltak 8:2 Referans Kwoze

Sawltak 10:2

Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Sawltak 2:5

Tua lai takin van nuai gam khempeuh panin a hong pai, Pasian a zahtak Judah mite Jerusalem khua-ah a om uh hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Jeremiah 22:18

Tua ahih manin Judah kumpipa Josiah’ tapa Jehoiakim’ thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-a a sih ciang uh a, a kikah bangun amah a sih ciangin a kah kei ding uh a, ‘Topa aw,’ ‘Kumpipa aw,’ ci-in a kah kei ding uh hi.

Jeremiah 22:10

Judah mite aw, misipa Josiah kah kei un la, khasiat kei un. A kipai khiatpih Shallum adingin nakpi takin kap zaw un, bang hang hiam cih leh a pian’na gam mu dingin amah hong kilehkik nawn lo ding hi.

2 KHANG TANGTHU NIHNATE 35:25

Jeremiah in zong Josiah hangin kah la phuak hi; pasal lasate leh numei lasate khempeuh in tu ni dongin amau’ kahna ah Josiah tamlawh uh hi. Amaute in Israel sungah hih thu biakna ngeina kipin bawl uh hi; en in, Kah La sungah tuate kikhum hi.

2 KHANG TANGTHU NIHNATE 32:33

Tua ciangin Hezekiah a pate tawh ihmu a, amaute in David’ suante’ han paina mual pangah amah vui uh hi; Judah khempeuh leh Jerusalem a, teengte in a sihin amah zahtakna bawl uh hi. Tua ciangin ama tapa Manasseh in ama tangin uk hi.

2 SAMUEL NIHNA 3:31

Tua ciangin David in Joab leh amah tawh a om mi khempeuh kiangah, “Na puan uh balkeekin puanham silh un la, Abner’ mai-ah kap un,” a ci hi. Kumpipa David in hankuang zui hi.

1 SAMUEL MASA 28:3

Tu-in Samuel si a, Israelte khempeuh ama hangin kapin, ama khuapi Ramah ah vui uh hi. Saul in vankahte leh aisante a gamsung panin beisak hi.

Thu-hilhkikna 34:8

Israel mite Moab zanglei-ah ni sawmthum sung Moses hangin kap uh hi; tua khit ciangin Moses hangin kahna leh thuumna veng hi.

Gamlak-vakna 20:29

Mi honte khempeuh in Aaron si hi ci-in a muh uh ciangin, Aaron hangin Israel innkuan khempeuh ni sawmthum sung kap uh hi.

Piancilna 23:2

Kanaan mite’ gamsung Kiriatharba (Hebron) ah Sarah si hi. Abraham dahin kap a, a vui nading vaihawm hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Piancilna 50:9

Tua lai munah amah tawh leengte leh sakol tuangte zong paikhawm to uh hi; tua lai-a paite tam mahmah hi.

Marka 6:29

Johan’ nungzuite in a zak uh ciangin pai uh a, a luang paipihin hankhuk sungah a vui uh hi.