Sawltak 8:12 - Tedim Bible

¹² Filip in Pasian’ Gam leh Zeisu Khazih’ minin Lungdamna Thu gen a, tua mite in a up uh ciangin numeite leh pasalte a kibaptaiz uh hi.

Tedim Bible Revision 2017

¹² Ahi zongin Pasianʼ Ukna Lungdamna Thu le Jesu Khris thu, Filip’ gente a up uh ciangin, numei pasal a um khempeuh tui a kiphum uh hi.

Sawltak 8:12 Referans Kwoze

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

ROM (Romans) 10:10

Dikkisakna ngah nadingin lung sungah ki-um hi. Gupna ngah nadingin kam tawh kipulak hi.

1 KORIN MASA 11:11

Ahih hangin Topa sungah pasal loin numei piang ahi kei hi, numei loin pasal piang ahi kei hi.

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

Sawltak 20:25

Ka pai kawikawi-a Pasian’ Gam thu kong hilh note khempeuh in keima maitang na mu nawn kei ding uh hi cih tu-in ka thei hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 5:14

Tua bangin thu-um mi pasal leh numei tampi in Topa tawh a kibehlap uh hi.

Luka 9:60

Zeisu in, “Misite in amau misite na vui ta hen. Nang na hih leh, pai in la, Pasian’ Gam’ thu na hilh in,” a ci hi.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Sawltak 8:4

Tua ahih ciangin gam khempeuh ah a kithehthang mite a vak kawikawi uh a, thu a hilh uh hi.

Sawltak 19:5

Amaute in hih thu a zak uh ciangin Topa Zeisu’ min sungah a kibaptaiz uh hi.