Sawltak 7:60 - Tedim Bible

⁶⁰ khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

Tedim Bible Revision 2017

⁶⁰ Tua ciangin amah kunin nakpi takin kiko a, “Topa aw, hih miteʼ mawhna na maisak in,” a cih khit ciangin a si ta hi.

Sawltak 7:60 Referans Kwoze

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Luka 23:34

Zeisu in, “Pa aw, amau in bang ahih uh cih thei lo ahih uh ciangin amau mawhna na maisak in,” a ci hi. Amau in lai aisaan-in a puante a hawm uh hi.

1 KORIN MASA 15:20

Tu-in Khazih in misite lakah a gah masabel suak a, sihna pan a thokik zo hi.

Sawltak 20:36

Paul in tua bang a gen khit ciangin khukdin’ a, amaute tawh thu a ngen hi.

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

Luka 6:28

Hong phuisamte tungah thupha na pia un.

1 KORIN MASA 15:18

Tua tham loin, Khazih’ thu-um a sisate in zong a mangthang ahi ding uh hi.

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Luka 22:41

a nungzuite tawh suang lot khat tan bang kikhen a,

1 KORIN MASA 15:6

Tua nung ciangin ute naute za nga tham lote kiangah thakhatin a kilang hi. Tuate a tampi in tudong a nungta lai uh hi. Kimkhat a si zo uh hi.

Mattiu 27:52

Hante kihong a, a sisa misiangthote’ luang tampi hong tho kik uh a,

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

1 KORIN MASA 11:30

Tua thu hanginah note lakah thanem leh cidam lo mi tampi a om uh a, a si mi zong a om uh hi.

Ezra 9:5

Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

1 KORIN MASA 15:51

En un, thuthuk khat kong gen ding hi. Eite khempeuh sicip ding i hi kei hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Johan 11:11

Tua thu amah in gen a, tua nung ciangin Zeisu in, “I lawmpa Lazaras ihmu-in a om hi. A phong dingin ka pai ding hi,” a ci hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

2 PETER NIHNA 3:4

“Topa hong paikik ding cih thuciamna in koi-ah a om hiam? I pute i pate a si khin zo uh hi; ahi zongin na khempeuh a pian’sak cila kipan a pian’ ngei bangin a om lai hi,” ci-in kosiatna tawh a hong pai ding uh hi.