Sawltak 7:51 - Tedim Bible

⁵¹ “Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Tedim Bible Revision 2017

⁵¹ “Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Sawltak 7:51 Referans Kwoze

Thu-hilhkikna 10:16

Tua ahih ciangin Topa’ thu mang un la, lung khauh nawn kei un.

Siampi Laibu 26:41

“Ahih hangin kei tungah khemna tawh hong gamtatnasa uh leh kei tawh kilehngatin a paina uh hangin amaute tawh kilehngatin pai-in, amau galte’ leitangah amaute ka paipihna thu ahi, amau’ mawhna leh, a pu a pate’ mawhna pulakin a lungsim uh niamkhiatin, amaute in a mawhna a kipuahphat uh leh;

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Paikhiatna 33:5

Bang hang hiam cih leh Topa in Moses' kiangah, “Israel mite' tungah gen in, ‘Note in lungkhauh mi na hi uh hi; note' lakah tomno khat sung hong paito leng note kong beisak ding hi. Tua ahih ciangin note kong bawl nading ka theih nadingin note'tung panin na kizepnate uh suahkhia un,’ ci in,” ci-in gen khinzo hi.

Paikhiatna 32:9

Topa in Moses' kiangah, “Hih mite ka mu zo hi, en in, a lungkhauh mite ahi uh hi;

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Paikhiatna 33:3

Bawngnawi leh khuaizu a luanna leitangah paito un; ahih hangin lampi-ah note hong sisak kha ding ka hih ciangin note' lakah kei kong paito kei ding hi, bang hang hiam cih leh note in lungkhauh mi na hi uh hi,” a ci hi.

Sawltak 6:10

Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Sawltak 7:39

I pate in ama thu mang loin a nial uh a, ‘Komau mai-ah a pai dingin pasiante hong bawlsak in,

Sawltak 7:27

A lawmte a bawlsiapa in, ‘Kua in nang ko hong uk ding, thu hong khen dingin hong koih hiam?

Sawltak 7:9

Tua pawlte’ pate in Josef a haza uh a, Izipt gamah a zuak uh hi.

Ezekiel 44:9

“Tua ahih ciangin Topa Pasian in tu-in kong genin ah: Vun ki-at lo gamdang mite peuhmah ka biakinn sungah lut lo ding uh a, note lakah a teeng gamdang mite nangawn lut lo ding uh hi.

Ezekiel 44:7

Keimah biakna-in sathaute leh sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

Thu-hilhkikna 31:27

Bang hang hiam cih leh a lehdo mite leh a lungkhauh mite na hihna uh ka thei hi; en un, note tawh kei a nungta khawm laipi mahin, tu ni-in Topa na lehdo khin uh hi; ka sih khit ciangin bangzah takin lehdo zawlai ding na hi uh hiam!

Ezekiel 2:4

Amaute a lungsim uh khauhin paupeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Hong mang loin ka hilhna a theih loh nadingun a lung uh a khauhsak uh hi.

Isaiah 48:4

Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

Late 75:5

kihisak kei un la, kiphatsakna tawh kam pau kei un,” ka ci hi.

Nehemiah 9:16

“‘Ahi zongin kote’ pute pate kihisakin lung khauh uh a, na thupiaknate mang lo uh hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei un la, note kiang panin a lauhuai ama hehna a kiheikhiat theih nadingin Topa’ lamah kipia un la, amah in a tawntung dingin a sian’thosaksa a biakinn ah pai-in Topa na Pasian uh, bia un.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

Thu-hilhkikna 9:13

“Tua tham loin Topa in kei kiangah, ‘Hih mite ka mu khin hi, en in, a lungsim khauh mite ahi hi;

Thu-hilhkikna 9:6

“Tua ahih ciangin note diktatna hangin Topa na Pasian un na tan’ dingun hih leitang hoih note tungah hong pia ahih lohna thei un; bang hang hiam cih leh note in lungsim khauh mi na hi uh hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi, lungkhauh mite ka hita zongun kote' kiangah Topa hong pai in; kote’ mawhna leh kote’ khialhna hong maisak in la, nangma' luah dingin kote hong la in,” a ci hi.

Sawltak 7:35

“A kua in nang uk ding leh thu hong khen dingin hong koih ahi hiam?’ ci-a nialna a thuak hih Moses in a uk ding, a gum dingin Pasian in sawlkawm sungah a kilang vantungmi’ sawlna tawh a paisak hi.

Gamlak-vakna 27:14

mi honpite a kitot lai-un tui phual-ah keimah sian’thosak ding hunin Zin gam lakah keima thu nong lehpan’ hi,” a ci hi. (Hihte in Zin gamlak, Kadesh gam Meribath tui-a thu piangte ahi hi.)

2 KUMPI NIHNATE 17:14

Ahih hangin amaute in thungai lo uh a, Topa a Pasian uh a um lo a pate uh mah bangin lungsim khauh uh hi.