Sawltak 7:50 - Tedim Bible

⁵⁰ Ka khut in hih na teng bawl hilo ahi hiam? ci-in Pasian in a gen hi,’ a ci hi.

Sawltak 7:50 Referans Kwoze

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Isaiah 40:28

Thei nai lo na hi hiam? Za nai lo na hi hiam? Topa pen tawntung Pasian hi a, leitung mong khempeuh a Piangsakpa ahi hi. Amah gim lo a, zong tawl lo hi; ama thu theihtelna kigen zo lo hi.

Paikhiatna 20:11

bang hang hiam cih leh a ni guk sung tengin Topa in van leh lei, tuipi leh tuate' sunga om khempeuh bawl a, a ni sagih ni tawlnga hi; tua ahih ciangin Topa in sabbath ni thupha pia-in siangthosak hi.

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Sawltak 17:24

Leitung akipan leitung sung na khempeuh a piangsak Pasian in, van leh lei uk mangpa ahih ciangin, mi’ khut tawh kibawl biakna innah a teeng ahi kei hi.