Sawltak 7:48 - Tedim Bible

⁴⁸ Sang Pen Pasian in mi khut tawh kibawl inn sungah a teeng zo kei hi. Pasian’ kamsangpa in:

Tedim Bible Revision 2017

^48-50 Ahi zongin kamsang pa in, ‘Topa in hih bangin ci hi: Vantung pen keima tokhom hi a, leitung zong ka khengakna mun ahi hi. Kei ading bang biakinn hong lamsak thei dinga, ka om nading koi lai mun hi thei ding ahi hiam? Hih nate khempeuh keima bawl sa hi lo ahi hiam, ci hi,’ ci-in a gen mah bangin mihingteʼ lam sa inn sungah a Lianpen Pasian a teeng hi lo hi.

Sawltak 7:48 Referans Kwoze

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

2 KHANG TANGTHU NIHNATE 6:18

“Ahih hangin Pasian in mite tawh leitungah hong teeng takpi ding ahi hiam? En in, vantung leh a sangpen vantung in nang hong huam zo lo hi; hih keima lamsa inn in hong huam zo lo zawkan ding hi!

Late 91:9

Nangmah in Topa pen na buk nadingin bawlin, Sang Penpa, nang a hu dingin bawl khin na hih manin,

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Late 7:17

Ke’n ahih leh, ama dikna om bangin Topa tungah lungdamna ka lak ding a, a Sangpen Topa min, phatna la ka sak ding hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Late 46:4

Sang Penpa’ ten’na khua siangtho ahi, Pasian’ khuapi, a lungdamsak gun khat a om hi.

Thu-hilhkikna 32:8

Sang Penpa in minam dangte tungah amau’ gamh pia a, mihingte a teen’ nading mun a seh ciangin, Pasian in a phazah tawh kizui-in mite’ gamgi a phut hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.