Sawltak 7:46 - Tedim Bible

⁴⁶ Tua David in Pasian’ thupha ngah a, Jakob’ Pasian om nading mun a lam dingin thu a ngen hi.

Tedim Bible Revision 2017

⁴⁶ David in Pasianʼ maipha ngah ahih manin, Jakob Pasian adingin biakinn khat a vaihawmsak nadingin Pasian kiangah a ngen hi.

Sawltak 7:46 Referans Kwoze

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

2 SAMUEL NIHNA 6:21

Tua ciangin David in Mikhal kiangah, “Topa’ mi Israelte tungah ulian dingin a hong koih dingin na pa leh a innkuan khempeuhte tungah kei a hong teel Topa mai ahi hi – keimah in Topa mai-ah lungdamna ka bawl ding hi.

1 SAMUEL MASA 16:1

Topa in Samuel kiangah, “Israelte tungah kumpi hihna panin amah ka nolh khitna mu napi-in Saul’ hangin bang tan vei dah ding na hi hiam? Na sathau biing-ah sathau thun in la, pai in; Bethlehem mi Jessi kiangah kong sawl ding hi; bang hang hiam cih leh ama tapate lak panin keima ading kumpi khat ka la khin hi,” a ci hi.

Late 132:11

Topa in a pelh loh ding kiciamna taktak khat David tungah a ciam a, “Nang sung pan-a na tate khat na kumpi tokhom tungah ka koih ding hi.

1 SAMUEL MASA 15:28

Tua ciangin Samuel in ama kiangah, “Topa in Israelte kumpi gam nang tung panin tu ni-in bal khia-in nang sangin a hoihzaw na vengpa tungah pia khin hi.

1 SAMUEL MASA 13:14

Ahih hangin tu-in na ukna kizom suak lo ding hi; Topa in ama lungsim bangin mi khat zong khin hi, Topa in nang hong thupiak zui lo na hih manin ama mite tungah ulian dingin Topa in amah seh khin hi,” a ci hi.