Sawltak 7:42 - Tedim Bible

⁴² Pasian’ kamsangte’ laibu sungah: ‘Israel mipawlte aw, note in ganhingte gawhna tawh, biakna-in Gampalakah kum sawmli tawntung kei hong bia na hi uh hiam?

Tedim Bible Revision 2017

^42-43 Tua ahih manin kamsangte laibu sungah, ‘Israel mite aw, gamlak ah kum sawm li sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le noteʼ aksi pasian Refanʼ puanbuk ahi hi. Tuate pen na biak dingun noteʼ bawl tawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, van a om aksite a bia dingin amaute a sawl khia hi.

Sawltak 7:42 Referans Kwoze

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Sawltak 7:36

Tua pa in Israel mipawlte paikhiatpih a, kum sawmli tawntung Izipt gam San Tuipi sung leh gampa lakah nalamdangte leh limte a bawl hi.

Hosea 4:17

Israel mite, milim biak uuk lua uh a, cih theih hi lo hi.

Ezekiel 8:16

Tua ciangin biakinntual sungnung ah hong paipih hi. Tua lai-ah biakinn kongkhak gei, biaknatau leh innlim kikal san-ah mihing sawmnih leh nga khawng na om a, biaknatau nung ngatin nisuahna lam nga-in ni suak tuung na bia uh hi.

Isaiah 66:4

Tua ahih ciangin amaute tungah gimna ka tungsak ding a, amau’ kihtak thute mah amau tungah ka tungsak ding hi. Bang hang hiam cih leh ka sap ciangin kuamah in hong dawng lo a, thu ka gen ciangin kuamah in hong ngai lo uh hi; keima thu man’ loh ding mah ut zaw uh a, a sia-in gamta uh hi, a ci hi.

Joshua 24:20

Topa nusia-in gamdang pasiante’ na nasep uh leh, note tungah a hoih hong bawl khit ciangin amah hong kihei-in note tungah siatna hong bawlin note hong beisak ding hi,” a ci hi.

Ezekiel 20:25

Tua ahih manin kei zong amaute adingin nuntakna a piangsak lo thukhamte leh thupiaknate amaute tungah ka pia hi.

Late 95:10

Kum sawmli sung tua minam ka kih a, “Amaute in a lungsim sungah a khial mi hi a, amaute in ka thupiakte mang lo uh hi,” ka ci hi.

2 KUMPI NIHNATE 21:3

Bang hang hiam cih leh amah in a pa Hezekiah’ suksiatsa mual tunga biaknate lamkik hi; tua ciangin amah in Baal adingin biakna taute phut a, Israel kumpipa Ahab’ bawl bangin Asherah milim khat bawl a, vantung a, om nate khempeuh bia-in tuate’ na sem hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Thu-hilhkikna 17:3

pasian dangte’ na semin tuate bia ahi zongin, keimah in ka kham ahi ni ahi a, kha ahi a, vantung na khatpeuh peuhte’ na semin bia ahi zongin,

Isaiah 43:23

Meihal biakpiak nadingin kei kiangah na tuu nong paipih kei a, biak piakna tawh kei nong pahtawi kei hi. Piakna tawh nang kong vangik sak nai kei a, paknamtui piak nading kalhna tawh kong gim sak nai kei hi.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Johan 6:45

‘Pasian in tuate a hilh ding hi,’ ci-in Pasian’ kamsangte’ lai sungah a kigelh hi. Pa kiangah thu ngai a, a kisin mite khempeuh keima kiangah hong pai uh hi.

Sawltak 13:40

Tua bang ahih leh, Pasian’ kamsangte’ thu in note tungah a tun’ loh nading na kikem un.