Sawltak 7:4 - Tedim Bible

⁴ Tua lai takin Abraham in Khaldea gam pan paikhia a, Haran khua tung a, a teeng hi. A pa a sih khit ciangin Pasian in tu-a a omna uh hih gamah tua khua panin a lalsak hi.

Tedim Bible Revision 2017

⁴ Amah zong Khaldea gam panin pai khia-in Haran khua ah teeng hi. A pa a sih khit ciangin Pasian in tu-a na teenna uh hih gamah amah na lalsak leuleu hi.

Sawltak 7:4 Referans Kwoze

Isaiah 41:9

lei mong panin kong lakkhiat, leimong kiu gamla pen pan-a kong sap khiat, “Nang in ka nasempa na hi a, nangmah kong teel khin zo a, nangmah kong nilkhia kei hi,” kong cihpa aw,

Isaiah 41:2

A nasem dingin dikna tawh samin, nisuahna pan-a mipa kua in hanthawn ahi hiam? Amah in ama khut sungah minamte piakhia ahih manin, amah in kumpite tuancil hi; amah in a namsau tawh amaute leivui bangin bawl a, ama thal tawh nahpa leeng bang sak hi.

Piancilna 15:7

Tua ciangin ama kiangah, “Hih leitang na neih nadinga nangma’ tungah a hong pia dingin Khaldea gam Ur khua panin a hong paikhiatpihpa in keimah Topa ka hi hi,” ci hi.