Sawltak 7:36 - Tedim Bible

³⁶ Tua pa in Israel mipawlte paikhiatpih a, kum sawmli tawntung Izipt gam San Tuipi sung leh gampa lakah nalamdangte leh limte a bawl hi.

Tedim Bible Revision 2017

³⁶ Amah in Egypt gam le San Tuipi ah lim le nalamdangte bawlin, Egypt gam panin Israel mite paikhiatpih a, gamlak ah kum sawm li sung amaute a makaih hi.

Sawltak 7:36 Referans Kwoze

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 12:41

Kum za li leh kum sawmthum a cin’ ni teekteekin Izipt leitang panin Topa’ mihonpite paikhia uh hi.

Paikhiatna 33:1

Topa in Moses' kiangah, “Pai khia un la, Abraham, Isaak, leh Jakob' tungah ‘Na suan-le-khakte uh tungah ka pia ding hi,’ ci a ka ciam leitangah nangmah leh Izipt leitang panin na paikhiatpih toh mite tawh hih lai panin paito un.

Paikhiatna 16:35

Amaute' teen’ theih nading leitang a tun’ mateng, kum sawmli sung Israel mite in manna ne uh hi; amaute Kanaan gamgi a tun’ matengun manna ne uh hi.

Sawltak 13:18

Kum sawmli tawntung gampa lakah naungeek bangin kemin a vaak hi.

Sawltak 7:42

Pasian’ kamsangte’ laibu sungah: ‘Israel mipawlte aw, note in ganhingte gawhna tawh, biakna-in Gampalakah kum sawmli tawntung kei hong bia na hi uh hiam?

Late 95:10

Kum sawmli sung tua minam ka kih a, “Amaute in a lungsim sungah a khial mi hi a, amaute in ka thupiakte mang lo uh hi,” ka ci hi.

Nehemiah 9:10

amaute in ka pute ka pate uh kihihsakna tawh a hih gawpna thei na hih manin Faro leh a nasemte leh a gam mi khempeuh langpanin lim leh nalamdang na bawl hi; tua hi a, tu ni dongin a kip min khat nangma adingin na ngah hi.

Thu-hilhkikna 8:4

Hih kum sawmli sung note tunga om na puan uh sia loin, na khe uh zong bawk lo hi.

Paikhiatna 3:20

Tua ahih ciangin keimah in ka khut zan-in tua sunga ka hih ding nalamdangte tawh Izipt ka vat gawp ding hi. Tua khit ciangin amah in note hong paisak ding hi.

Late 95:8

Amaute in ka nasepna mu khin napi, Meribah leh Massah mun-ah na pate un kei hong ze-etin, gamtatna tawh ka lah ding hong kalh hun lai bangin, note in na lungsim uh khauhsak kei un.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,