Sawltak 7:35 - Tedim Bible

³⁵ “A kua in nang uk ding leh thu hong khen dingin hong koih ahi hiam?’ ci-a nialna a thuak hih Moses in a uk ding, a gum dingin Pasian in sawlkawm sungah a kilang vantungmi’ sawlna tawh a paisak hi.

Tedim Bible Revision 2017

³⁵ “Moses pen Israel mite in deih loin, ‘Kote a hong uk ding le thu a hong khen dingin kua in hong koih ahi hiam?’ a cih pa uh ahi hi. Ahi zongin Moses pen sawlpang kuang sung pan ama kiangah a kilang vantungmiʼ huhna tawh ukpa le hon khia pa ahi dingin Pasian in a sawl pa ahi hi.

Sawltak 7:35 Referans Kwoze

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Late 75:7

ahih hangin mihing khat a sangsak, mihing khat a niamsak, thu a khenpa in Pasian ahi hi.

Gamlak-vakna 20:16

Topa tungah ka kiko uh ciangin amah in ka aw uh hong za a, vantung mi khat hong sawlin, Izipt panin hong pai khiatpih hi; tu-in nangma gam nawl Kadesh khuapi ah ka om uh hi.

Paikhiatna 14:19

Tua ciangin Israel honpite' mai-ah a pai Pasian’ vantungmi kikhin-in amaute' nungah pai hi; amaute' mai panin meii khuam kikhinin amaute' nung-ah ding a,

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Hebru 2:2

Bang hang hiam na cih uh leh, vantungmite tungah thu hong piakna kipin om a, zuih khialhna leh thungaih lohna apawl apawlte in thuak ding a kilawm thukhenna thuak uh ahih leh, a kipat cil a, Topa in hilhin, kam a za mite in a hong kipsak uh a lian mahmah gupna thudon loin om lehang, mawhna daan tawh bang ci kipelh ding i hi hiam?

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Sawltak 7:30

Tua nung kum sawmli a phak khit ciangin Sinai Mual gampalakah, mei a kuang sawl kawm sungah Pasian’ vantungmi khat kilang hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Sawltak 3:22

Moses in, ‘Topa Pasian in nomau ute naute lakah keimah bangin kamsangpa khat note ading a piangsak ding hi. Amah in nomau kiangah thu a gen khempeuh na ngai ding uh hi.

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Johan 19:15

amaute in, “Tua pa that in, tua pa that in, singlamteh tungah that in!” ci-in a kiko uh hi. Pilat in, “Note’ Kumpipa singlamteh tungah that ding ka hi hiam?” ci-in a dot ciangin, “Kaisar kumpipa longal adang kumpipa ka nei kei uh hi,” ci-in siampi liante in a dawng kik uh hi.

Johan 18:40

Amaute in, “Hih mi khah ding ka deih kei uh hi; Barabbas na khah ding ka deih uh hi,” ci-in nakpi-in kiko kikin a ngen uh hi. Barabbas in misuampa ahi hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Late 77:20

Nangmah in, Moses leh Aaron’ khut tawh, na mite, tuuhon bangin na makaih hi.

1 SAMUEL MASA 12:8

Izipt-ah Jakob pai-in Iziptte in amaute a nenniam uh ciangin Topa tungah na pate uh kiko a, na pate uh Izipt panin paikhiatpihin hih lai mun-ah amaute a teengsak ahi Moses leh Aaron’ Topa in puak hi.

1 SAMUEL MASA 10:27

Ahih hangin bangmah man lo mi pawlkhat in, “Hih mipa in eite bang hong ci hotkhiat zawh ding ahi hiam?” a ci uh hi. Amaute in amah simmawhin ama kiangah letsong puak lo uh hi. Ahih hangin amah in tua mite bangmah cih lo hi.

Paikhiatna 33:2

Note’ mai-ah vantungmi khat ka sawl ding a, Kanaan mite, Amor mite, Hit mite, Perez mite, Hiv mite leh Jebus mite ka hawlkhia ding hi.

Paikhiatna 32:34

Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.

Paikhiatna 14:24

Zingsang ciangin Topa in mei leh meii khuam sung panin Izipt mi honpite en sukin, Izipt mi honpite phial gawp a,

Paikhiatna 2:14

Amah in dawngin, “Kote' tungah ulian ding leh thukhen dingin kua in nang hong koih ahi hiam? Izipt mipa na thah bangin nang in keimah thah ding hong sawm na hi hiam?” ci hi. Tua ciangin Moses lau a, “A thu kithei taktak hi,” ci-in ngaihsun hi.

Marka 12:26

A sisate thawhkikna ding thu panin Pasian in, ‘Kei in Abraham Pasian, Isaak’ Pasian, Jakob’ Pasian ka hi hi,’ ci-in Moses in a gelh Lai Siangtho sunga sawlbawk meikuang thu sim ngeilo na hi uh hiam?