Sawltak 7:26 - Tedim Bible

²⁶ Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

Tedim Bible Revision 2017

²⁶ A zing ciangin Israel mi nih a kilaii mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tua ci kibawl na hi uh hiam?’ ci hi.

Sawltak 7:26 Referans Kwoze

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Filippi 2:1

Tua ahih ciangin Khazih sungah hansuahna ahi zongin, itna tawh kipawl lungnopna ahi zongin, Kha Siangtho tawh kihotheihna ahi zongin, hehpihna leh diksakna ahi zongin na khatpeuh peuh a om leh, khat leh khat ki-it ciatin, khat leh khat lungsim kikhen loin hanciamna kibangin, lungsim kikhatin na om manunah ka lungdamna na cingsak un.

Paunak 18:19

Sanggamte huhna in khuapi muanhuai bangin hong hu a, sanggam tawh kitotna in kidon lohna piangsak hi.

Late 133:1

En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

Piancilna 45:24

Tua ciangin amah in a sanggamte sawl khia a, amaute a paikhiat ciangin amah in maute' kiangah, “Lampi-ah kitawng kei un,” ci hi,

Piancilna 13:8

Tua ciangin Abram in Lot kiangah, “Nang leh kei’ kikal, nang’ gancingte leh kei’ gancingte’ kikal-ah kitotna omsak kei ni; bang hang hiam cih leh eite a kibeh i hi hi.

Mattiu 14:22

Zeisu in mihonte a paikhiatsak lai takin, a nungzuite gunkuangah thakhatin tuang sakin, a gal khatah a paisak masa hi.

Sawltak 7:25

Pasian in ama khut tawh amaute a gumkhia ding hi ci-in a sanggamte in thei dingin Josef in a up hangin a thei kei uh hi.