Sawltak 7:25 - Tedim Bible

²⁵ Pasian in ama khut tawh amaute a gumkhia ding hi ci-in a sanggamte in thei dingin Josef in a up hangin a thei kei uh hi.

Tedim Bible Revision 2017

²⁵ Amah pen eite hong hon khia dingin Pasian in a zat ding mipa hi, ci-in a mipihte in a thei ding sa a, ahi zongin a mipihte in na thei lo uh hi.

Sawltak 7:25 Referans Kwoze

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

ROM (Romans) 15:18

Gentailte in kam tawh ahi zongin, gamtatna tawh ahi zongin, thungaih nading Khazih in

Sawltak 21:19

Paul in tua mite a hopih khit ciangin ama thuhilh nasepna hanga Pasian in Gentailte tungah ahihna thu khempeuh khat nungah khat a gen hi.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Luka 18:34

Amaute in hih thu khat beek a thei kei uh hi. Hih thu heem gen ahih ciangin a cihnopna a thei kei uh hi.

Luka 9:45

Amaute in tua thu a thei kei uh a, a theih loh nadingun a kiseel hi. A cihnopna zong amaute in a dong ngam kei uh hi.

Marka 9:32

A nungzuite in tua thu a theih loh uh hangin a dong kik ngam kei uh hi.

Late 106:7

Ka pate un Izipt gamah a om lai-un nangma nasepna lamdangte ngaihsun lo uh hi; nangma itna kip a tampite phawk lo uh a, San Tuipi-ah Sang Penpa hong lehdo uh hi.

2 KUMPI NIHNATE 5:1

Siria kumpipa’ galkap a uk Na-aman in a topa tawh milian khat hi-in maipha lianpi a ngah mi ahi hi; bang hang hiam cih leh Topa in ama hangin Siria mite gualzawhna pia hi. Amah in a thahat a vanglian khat hi a, ahih hangin amah in a phak ahi hi.

1 SAMUEL MASA 19:5

amah in a nuntakna pia ngamin Filistiapa that a, Topa in Israelte khempeuh adingin gualzawhna lianpi piangsak hi. Nangmah in hih thu na mu a, na lung a dam hi; tua ahih ciangin bang hangin thu om lopi-in David thahna tawh a mawh baang lo mipa tungah khial ding na hi hiam?” a ci hi.

1 SAMUEL MASA 14:45

Tua ciangin mite in Saul kiangah, “Israelte sungah hih gualzawhna lian a piangsak Jonathan si ding ahi hiam? Hi dek peuhmah lo ding! Topa a nuntak mah bangin, a lu tunga sam khat zong lei lakah kia lo ding hi; bang hang hiam cih leh amah in Pasian tawh tu ni-in tua thu piangsak hi,” a ci uh hi. Tua ahih ciangin mite in Jonathan tankhia uh a, amah si lo hi.

1 KORIN MASA 3:9

Bang hang hiam na cih uh leh, kote in Pasian tawh nasem khawm mi ka hi uh a, note in Pasian’ huan, Pasian’ inn na hi uh hi.

Paikhiatna 2:12

Amah khuadak kawikawi-in, kuamah mu lo ahih manin amah in Izipt mipa thatin sehnel sungah seel hi.

Sawltak 7:24

Izipt mi khat in Israel mi khat a bawlsiat laitak a muh ciangin phula-in, a bawlsiatpa honkhia-in Iziptpa a that hi.

Sawltak 7:26

Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

Thukhente 15:12

Tua ciangin amaute in ama kiangah, “Filistia mite khut sungah nang kong piak theih nadingun nangmah a hen dingin kong paisuk uh hi,” a ci uh hi. Samson in amaute kiangah, “Note mahmah in nong hih loh nading uh kei tungah hong kiciam un,” a ci hi.